Adat Ras Kiniteken (Johanes 2:1-11).

BAHAN PJJ GEREJA GBKP
Johanes 2 : 1 – 11.

Isi : Adat Ras Kiniteken.

LATAR BELAKANG.
1. Ibas oratenta, cukup jelas ngataken maka ibas pesta erdemu bayu i kuta Kana terjadi perbeben, khususna lau anggur si erkerja enggo keri. Persoalen si lit enda tentuna banci erbahanca mela siakap simada pesta, sebab sada kebiasaan ibas erbahan pesta lau anggur ielaken jadi sada hidangen, janah temue sireh banci minem seh puas.
2. Kerinana lau anggur banci iakibatken piga-piga sebab : 1). Temue si reh nterem, emaka persediaan lau anggur la ncukupi temue si reh. 2). Simada pesta salah menafsir kerehen temue, emaka sengaja isediakenna sue ras kerehen temue.
3. Kebiasaan ngelaken lau anggur ibas pesta erdemu bayu enggo jadi sada budaya I tengah-tengah kalak Jahudi, emaka lau anggur jadi sada keharusan simada pesta mereken lau anggur man temue. Makna sideban, simada pesta nghamati temue sireh.
4. Kerina lau anggur tentuna menurunken citra simada pesta, emaka Maria nande Yesus minter melapor man Yesus kerna persoalen enda, tapi nina Yesus paksangku lenga seh. Tapi karakter ras ise Yesus enggo iteh Maria, sebab kerina kejadin-kejadin siterjadi man Yesus ibuniken Maria. Emaka nina Maria man serayan pesta e, ikutken kari kai siikataken Yesus.
5. Paksaku lenga seh, ngataken maka labo Maria simemerintahken Yesus, tapi Bapa sinisurga, janah enda merupakan sada koreksi man Maria, ija paksana enggo berganti. Yesus harus ndahiken dahin keselamaten siisuruh BapaNa.
6. Lau isalihken Yesus jadi anggur, sierbahanca citra simada pesta ipehagaken, sebab kerina anggur siisediaken si mada pesta mehuli kerina. Menurut kebiasaan, anggur simehuli lebe ielaken, maka si la mehuli. Tapi simada pesta tangtangna nari seh nandangi keri acara pesta erdemu bayu, lalap ielaken anggur simehuli man temue si lit.
7. Ibas lau salih jadi anggur melala makna sibanci ikataken ije: 1). Angka pitu merupaken angka kesempurnaan man kalak Jahudi, emaka enem tempayan siisediaken ngataken maka pesta e lenga sempurna, tapi mujizat siibahan Yesus menyempurnaken kerina e. 2). Lau melambangkan yudaisme ntah pe taurat, sebab ibas kebiasaan kalak Jahudi taurat menjadi sada patron ibas keselamaten, tapi alu salihna lau jadi anggur ngataken maka keselamaten lit bas Yesus Kristus. 3). Rsd.
8. Situhuna tanda sengget siterjadi ipesta erdemu bayu i kuta Kana ngataken, enda merupakan sada tanda maka enggo kap reh Mesias e, enggo reh keselamaten i tengah-tengah manusia.

THEOLOGIA NASKAH
- Lit sada persoalen si terjadi ibas kerja erdemu bayu i kuta Kana.
- paksangku lenga she.
- Isalihken Yesus lau jadi anggur, maka simada pesta ipujiken temue si reh.

APLIKASI.
Perlu siteh lebe, Kata Dibata eme berita kerna Dibata simbebasken, emaka jadi kalak kristen berarti menjadi kalak sibebas. Alu kata sideban, selaku kalak kristen kita wajib mengaplikasiken keselamaten ibas kegeluhenta tep-tep wari alu la mbiar nandngi kuasa doni enda. Bagepe uga seharusna kita selak kalak kristen ngasup nerangi doni enda, gelah doni enda nggeluh ibas keselamaten. Emaka sehubungen ras adat ras kiniteken, kalak kristen harus ngenen secara kristis kerna sie. Ibas erti kata apai si banci ilestariken , janah apaikah sibanci imasapken sibertantangen ras kinitekenta, sebab Dibata siisembah kita arah Yesus Kristus la nggit i duaken (lit dualisme penyembahen). Bagepe man banta banci reh kebingungan, sebab apai nge siman andalenken.
Nterem denga kalak kristen si lenga bebas, salah sadana erkiteken kebiasaan ibas daerahna eme kerna adat, padahal Berita si Meriah nggo mbebasken kita. Tapi gelah senina turangta banci tuhu-tuhu bebas maka kita harus ikut ibas budaya setempat, gelah kita banci jadi sira ras terang ibas budaya setempat. Nina Paulus : Adi bas kalak Jahudi aku, aku bagi kalak Jahudi, gelah ku menangkan kalak Jahudi e.
Kalak kristen nggeluh ibas kebebasan, emaka injil la melarang kitanggeluh ibas adat, si ilarang Injil eme dosa, emaka adi lit siiambengken ibas adat, e kerna unsur-unsur sierdosa.
Memang ibas kegeluhen kekristenan, lit piga-piga pandangen kerna adat : 1). Sikap radikal : lit singataken maka la lit hubungenna sitik pe antara adat ras kiniteken. Enda siterjadi man kalak kharismatik. 2). Sikap Akomodatif : La lit pertentangen antara adat ras Injil. 3). Sikap perpaduan : Injil ras budaya saling mengisi. Enda ipake Katolik. 4). Sikap dualis : Manusia nggeluh ibas dua dunia, ibas erti kalak kristen wajib ngelai Tuhan subuk i doni bagepe I gereja. 5). Sikap transformatif (pembaharuan) : Kristus eme pembaharuan. Kalak kristen nggeluh ibas ibas rangka membahartui budaya/adat sibertentangan ras kiniteken, alu bagepe kita tetap nggeluh ibas keselamaten. Enda me siipake GBKP.

Pdt. Steven Kumenit, STh.,M.Min.