Rabu, 03 Maret 2010

PJJ GBKP TANGGAL 7 - 13 MARET 2010

KUAN-KUANEN 31”17-25

Isi : Peningkaten Ekonomi Jabu.

LATAR BELAKANG
1. Secara umum banci sikataken kitab Kuan-kuanen bengket ibas bilangen kumpulan sastra hokmah (hikmat) si lit ibas padan sindekah, radu ras kitab Jop ras kitab Pengerana. Janah kitab Kuan-kuanen enda mewakili hokmah tradisional.
2. Ibas dunia Timur Tengah, termasuk bangsa Israel Hokmah (kepentaren) eme bagin ibas kegeluhen rohani ras budaya siiergai kal, janah sipatna eme guna kegeluhen ras etika.
3. Memang kitab Kuan-kuanen enda mbue isuratken raja Salomo, sebab raja salomo iteh sebage raja singaloken kepentaren ibas Tuhan nari (nen= 1 Raja-raja 3:9), tapi amin bage gia kitab enda la lit hubungenna ras sejarah keselamaten bangsa Israel, umpamana kerna pembebasen bangsa Israel ibas taneh Mesir nari, rsd. Emaka ijenda la ngerana kerna perbahanen-perbahanen Dibata simbelin nari nandangi bangsa Israel, tapi kitab enda ngerana uga gelah kalak banci nggeluh selaku jelma simehuli ras saleh sue ras peraten Tuhan. Janah enda me situhuna sipat jelma siicidahken arah Kuan-kuanen enda. Alu kata sideban kalak Israel nggit ndarami dampak kegeluhen sipraktis. Maksudna kalak Israel nggit meteh uga perbahanen kalak banci mpengaruhi kegeluhen kalak sideban. Emaka refleksi nggeluh merupaken penekanen nggeluh. Jadi situhuna tujun hokmah enda eme pendidiken.
4. Nina Robert Jeffress lit empat kebenaren dasar yang bisa kita peroleh ibas kitab Kuan-kuanen enda : 1). Pusat perhatian kitab Kuan-Kuanen enda eme kegeluhen si genduari, labo kenca kematen. 2). Ukuren kehidupan yang baik bukan uang. 3). Hidup yang lebih baik tidak menjauhkan kita dari masalah-masalah. 4). Tujuan hidup yang lebih baik adalah untuk memuliakan Tuhan.
5. Secara khusus, sijadi oratenta sendah eme bagin si la terpisahken ibas pasal 31, khususna ayat ayat 10-31. Bagin enda merupaken pengajaren tradisional, ntah pe hokmah keluarga tradisional. Sebab adi siperdiateken ibas kegeluhen bangsa Israel, maka sekalak nande raja cukup penting memainkan peranan ibas administrasi istana guna pegawai istana, bagepe bagin enda guna mendidik calon raja, tujunna gelah nggeluh alu kepentaren. Emaka selaku raja siharus ihindari eme menjauhkan diri dari perempuan si la mehuli, menjauhkan diri dari minuman anggur (minuman keras), sebab enda kerina pereh kematen, tapi erbahan simehuli ras keadilan. Emaka situhuna, ayat 10-31 mempertentangken diberu si la mehuli ras diberu (pernanden) simehuli.
6. Tema penting ibas bagin oratenta sendah eme ndehara si pantas, emaka ibas uraianna teridah pendahin sekalak diberu (pernanden) simehuli ras pentar. Pendahin sekalak pernanden erbahanca, la saja perbulangenna itandai kalak, tapi pe ihamati kalak nge ia.
7. Ndehara sipantas eme ndehara simeteh tanggungjawabna ibas keluargana, janah la saja kebutuhan keluarga ibas paksa genduari, tapi pe ibas paksa si reh, gelah tercukupi kebutuhan-kebutuhan ekonomi keluarga. Alu bage maka keluarga banci nggeluh. Janah siidah pe jenda dahin sisampat-sampaten ibas rangka kebutuhen jabu.

APLIKASI
1. Siidah genduari ibas kegeluhenta i tengah-tengah masyarakat enda, kebutuhen jasmaninta cukup mbelin, janah mekatep pemasukenta la bias guna mencukupi kebutuhen-kebutuhenta tep-tep wari. Emaka enggo cukup nterem senina turangta si “terlilit hutang”, bagepe siidah erkiteken la ngsup ia bertahan ibas kondisi ekonomi keluarga si kurang, maka ndelis bana ia, lit sidayaken anakna, rsd. Memang ibas kegeluhenta selaku kalak karo lenga seh kal ku je, tapi adi si begi maka cukup nterem kita ngerana kerna ekonomi si sulit ibas jabu.
2. Situhuna adi megermet kita, terbatasna ekonomi ibas jabu, la saja mpengaruhi ntah pe la terpenuhi kebutuhen-kebutuhen ibas jabu, bagepe terancam persekolahan anak, alu bagepe banci ertambahna jumlah “kemiskinan” ras anak putus sekolah ras pengangguran, emaka la saja jadi perbeben pemerintah, bangsa ras negara, tapi pe jadi perbeben gereja (GBKP). Bagepe banci mpengaruhi program-program pelayanan gereja, sebab kurangna pemasukan ibas anggota keluarga.
3. Persoalen enda situhuna enggo iidah gereja (GBKP), emaka gereja GBKP enggo “erpala-pala” meningkatken ekonomi masyarakat (jabu) alu piga-piga bentuk eme arah parpem, mbuka sarana ras pra sarana eme dalan ras listrik, sebab adi lancarna transportasi maka hasil juma pedas terdayaken. Bagepe arah Credit Union, siiharapken litna anggota perpulungen meteh pemanfaatan keuangen jabu. Isamping sie arah motivasi ibas khotbah nari, rsd. Persoalenna genduari cukup nterem anggota perpulungen subuk i kota bagepe i kuta kurang memanfaatken sie. Persoalen sideban, milihi-milihi dahin cukup mpengaruhi pendapatan keluarga.
4. Genduari lanai berlaku tanggungjawab ekonomi keluarga ibebanken man perbulangen, amin gia, kita menganut sistim partrihart, ntah pe man ndehara, tapi ndehara ras perbulangen harus erdahin ras-ras, gelah ekonomi jabu meningkat. Janah ula kita lalap ngerana soal masa si sulit, sebab harus si teh ndigan pe kesuliten enda tetap lit. Emaka salah sada kunci keberhasilan ras banci meningkatken ekonomi kita eme erdahin alu tutus ras tanggungjawab (harus ulet), janah ngasup kita memanejem keuangen keluarganta masing-masing, sebab kegeluhenta la saja paksa genduari tapi pe ibas paksa sireh. Perlu siteh kita enda beraliran Calvinis, janah Calvinis lebih menekanken etos kerja simehuli.
5. Isamping sie, enggo saatna gereja mengfasilitasi kegiatan-kegiatan ntah pe sibanci jadi usaha keluarga, bagepe mendorong anggota gereja guna memanfaatkan hasil usaha anggota jemaat, emaka biak cian ate harus ipemiser ibas kita nari, janah urlumbahlah kita guna erbahan simehuli, alu bage, lit dampakna man gereja.

Pdt. Steven Kumenit,STh.M.Min.