BAHAN SERMON PJJ GBKP
TANGGAL 7 - 13 NOVEMBER 2010
====================================
Matius 6:24 – 33
Isi : Ula Mbiar
LATAR BELAKANG
1. Nats enda salah sada bagin khotbah Yesus i datas uruk man jelma sinterem. Ibas khotbah enda siitekanken Yesus eme kerna nggeluh (kesah) ras kula. Ija ergan nge nggeluh (kesah) asangken nakan, janah ergan nge kula asangken uis. Ibas erti kata, erkiteken Tuhan enggo ngelakoken hal-hal si mbelin eme alu mereken kegeluhen man manusia, maka situhuna manusia lanai perlu eraru ate kerna hal-hal si kitik, sebab sie pasti nge enggo iperdiateken Tuhan.
2. Amin gia pemeliharaan Tuhan iandingken bagi perik ras mbunga ncole, labo berarti, ate Dibata manusia lanai perlu erdahin, tapi siimaksudken eme kebiaren ntah pe kearun ate ula min seh “menggerogoti” kegeluhen manusia, tapi iajuk Yesus gelah ajar-ajarNa tuhu-tuhu ernalem man baNa saja.
3. Kearun ate labo pernah pegedangken umur manusia, tapi justru mpegendek umur kegeluhen manusia, sebab ibas aru ate, manusia lanai erbahan ras ngelakoken kai pe, dungna kebingungan ngenca si lit man manusia, sebab apai dage man ikutenkenna, apakah hal-hal materi ntah Tuhan simereken kegeluhen, la saja ibas doni enda, tapi pe ibas surga. Emaka kepatuhen ras ngikutken peraten Tuhan nge sibanci mereken kegeluhen (band. Matius 4:4).
4. Pemeliharaan Tuhan man manusia erbahanca manusia nggeluh berkecukupan. Enda bukti uga i mata manusia mbuga ncole si la meherga, tapi pe ipelihara Tuhan, janah ndauh jilen asangken paken raja Salomo si seh kal bayakna. Bageme pemelihara Tuhan man manusia si tek man bana.
5. Sipaling penting bas kegeluhen kalak si tek man baNa eme darami lebe kinirajaan Surga ras kebenarenna, emaka kerina keperlun si deban itambahi Tuhan. Siimaksudken ijenda eme nggeluh ibas kepatuhan man Tuhan, nggeluh ibas kepatuhan nandangi kataNa, emaka ipasu-pasu Tuhan kalak si patuh ras ndalanken peratenNa.
THEOLOGIA NASKAH
- Ise pe la bo ngasup ngikutken dua tuan.
- Ula aru atendu.
- Daramilah lebe kinirajaanNa, janah ndalankenlah si ngena ateNa, maka icukupiNa kai siperlukenndu.
APLIKASI
Ibas kamus bahasa Indonesia mbiar seri ras aru ate, emaka adi kita ngerana kerna kearun ate berarti kita pe ngerana kerna kebiaren.
Kearun ate banci berlebihan ibas kegeluhenta, janah enda me sierbahanca kita “mate”. Emaka kearun ate semacam pinakit. Bagepe para ahli ilmu jiwa ngataken kearun ate banci erbahan kalak tertekan, sierbahanca la banci medem. Erkiteken sie kearun ate eme pinakit utama ras musuh utama man manusia.
Kearun ate banci inen ibas dua hal : 1). Kearun ate ras mbiar si berlebihan ngataken maka ta la tek nandangi pemeliharaan Tuhan. Tuhu, mbue keperlunta ibas doni enda, tapi labo berarti la banci ipenuhi Tuhan keperlun-keperlunta e. Tentu banci. Emaka kepatuhan ras ndalanken singena ate Tuhan nge mbaba kita ku bas kegeluhen situhu-tuhu, sebab ipasu-pasuNa me kita. 2). Kearun ate ras kebiaren la perlu ikebiarken (ditakuti) secara berlebihen, sebab enda merupaken pemere Tuhan (sebab enda merupaken self kontrol). Sebab arah kearun ate ras mbiar kita banci nggeluh selaku tinepa Dibata, sikatawari paksa pe ngataken bujur ras tetap mindo penampat man Tuhan, sebab la kita ngasup naluken godaan doni enda. Bagepe ngasup kita ncidahken kekelengen man temanta manusia ras tinepa Tuhan si deban.
Catatan : Sebagai tambahan dan melengkapi bahan bimbingan yang dikeluarkan Moderamen.
