Etika Kerja Orang Kristen (Amsal 20:1-15)

BAHAN PJJ GEREJA GBKP
TANGGAL 15 – 21 MEI 2011
========================
KUAN-KUANEN 20 : 1-15.

Tema : Etika Erdahin Ibas Kalak Kristen.

LATAR BELAKANG
1. Salah sada tujun kitab Kuan-kuanen eme gelah litna sada keberhasilan, sebab kitab Kuan-kuanen enda nuratken piga-piga petunjuk guna nggeluh ibas keberhasilan. Gelah she ku je, maka kitab Kuan-kuanen enda rusur ncidahken hal si positif ras negatif, gelah simegi (anak) banci meteh simehuli ras ndalanken simehuli e, sebab si mehuli e mpereh keberhasilan. Janah enda labo saja terjeng ncidahken simehuli ras si la mehuli, tapi kepentaren enda harus ngeluh ibas pusuh, sebab pusuh me simengendaliken kerinana (band= pemahaman bangsa Israel). Ipihak si deban tujun Kuan-kuanen enda guna mendidik anak-anak.
2. Ibas pandangan teologi kalak Israel, maka keberhasilan berhubungen erat ras kepatuhan man Tuhan Dibata, ermaka ibas bangsa Israel ndalanken kai siiperentahken Dibata maka banci sikataken bangsa Israel pasti sukses ibas kegeluhenna. Memang kitab-kuan-kuanen enda lebih menekankan penerapen kekelengen, emaka adi keleng kal ate bangsa Israel man Tuhan, maka harus min teridah ibas perbahanenna tep-tep wari eme ngkelengi diri sendiri ras ndalanken simehuli ibas kegeluhenna, termasuk uga gelah banci berhasil ibas kegeluhenna.
3. Bangsa Israel harus tetap pentaren gelah makeken kepentarenna guna kegeluhenna, sebab ibas bangsa Israel mpraktekken kepentaren berarti mengaplikasikan kuasa (mewujudnyatakan) “ilahi” ibas kegeluhenna tep-tep wari, sebab kenca manusia ndabuh ku bas dosa, kegeluhen ibas doni enda harus “iupayaken” manusia, emaka adi la erdahin maka manusia pasti mate. Padahal kenca Dibata njadiken manusia, isuasruh Dibata manusia guna erdahin guna ncukupken kebutuhen geluhna. Emaka kepentaren merupaken alat guna ndalanken kegeluhen manusia.
4. Ibas oratenta kohelet ncidahken karakter manusia, eme sekalak pemabuk pasti erbahanca turah perubaten, janah kerna kalak si perkisat sila nggit erdahin, bagepe kerna kiniganjangen ukur, kerina enda mpereh kerugin man manusia, tapi pe man bangsa. Emaka siharus ilakoken bangsa Israel eme erdahin alu mehuli ras nggeluh ibas kebujuren. Guna she ku je maka si paling penting bangsa Israel harus makeken cuping guna megiken pengajaren simehuli, ras tetap erlajar ibas hal-hal simehuli si lit I tengah-tengah masyakat, emaka harus makeken mata alu mehuli.
5. Kohelet ncidahken man bangsa Israel (muridna) kerna kepentaren sesekalak jelma teridah ibas perbahanenna. Janah bersih ras bujur sesekalak jelma intandai arah perbahanenna. Bagepe kalak si lit bas ia kepentaren maka banci itehna isi pusuh sesekalak jelma, tapi sebalikna alu la lit kepentaren bas sesekalak jelma kegeluhenna la “terkendali”. Ibas hal enda si perkisat berarti bas ia la lit kepentaren, sebab la pernah ia ngukurken kerna masa depanna. Bagepe ibas kalak si la lit bas ia kepentaren maka lit bas ia biak meganjang ukur, rsd.

THEOLOGIA NASKAH
- Kalak si la pentar siibahanna eme iinemna minemen keras, nggit rubat, perkisat, la lit keadilen ras kebujuren.
- Kepentaren sesekalak jelma teridah arah perbahanenna.
- Pinggel guna megiken mata guna ngenen, duana e Tuhan kap si njadikenca.

APLIKASI
Erdahin eme pemere ras persuruhen Dibata, jadi ibas kita erdahin, berarti kita nggo melaksanakan persuruhen Dibata, jadi la terjeng guna ncukupkenken keperlun geluh ngenca. Emaka erdahin merupaken sada ethos kerja kalak si tek man Tuhan (kalak) kristen. Tapi nterem ka nge kalak siidah enggo benea ethos kerjana, si lit bas ia eme la nggit erdahin, janah adi erdahin, si la mehuli siidalankenna.
Ibas pemahaman Calvin kerna erdahin eme kalak siterpilih ibas Dibata teridah arah ibas darat nari, termasuk ibas erdahin. Emaka kalak si tutus erdahin, aktif bekerja keras, ncidahken bukti man dirina sendiri ras man kalak sideban maka ia eme kalak siterpilih, tapi sebalikna kalak sibiasa-biasa saja ras ncidahken kemalasan banci sipastiken ia kena sumpah/kutuk.
Ibas zaman sigenduari teridah reh teremna kalak perkisat, janah adi ia erdahin, siibahanna eme si la ngena ate Dibata, apakah korupsi ntah pe erbahan si la bujur. Enda tentuna la mehuli. Memang perlu kita sen, tapi ula min erkiteken sen e sirang kita ras Tuhan. Tapi marilah selaku kita kalak kristen harus erdahin, lapangan pekerjaan melala, janah adi erdahin kita harus me simehuli si ngena ate Tuhan siibahan, sebab ibas kita erdahin berarti kita enggo patuh kita man Tuhan, janah erdahin merupaken sada ibadah man Tuhan.

Pdt. Steven Kumenit STh, M.Min.