Jabu Si Terbuka, Ula Pekulah-Kulah (Epesus 5:22-28)

PEKAN KEBAKTIN KELUARGA
GEREJA GBKP
WARI IV, TANGGAL 8 JUNI 2011
=============================
Introitus : Kam gelgel nari i bas gelap, tapi genduari enggo i bas terang, erkiteken kam enggo jadi anak-anak Tuhan. E maka kam arus nggeluh bagi kalak i bas terang. Sabap mbelin perulihen terang, e me erbage-bage si mehuli, si bujur ras si tuhu-tuhu (Epesus 5:8-9).
Ogen : Matius 7:1-5.
Khotbah : Epesus 5:22-28.
Tema : Jabu Si Terbuka, Ula Pekulah-kulah” (“Ula Erbuni-Buni”).

LATAR BELAKANG
1. Secara umum sijadi bahan khotbahnta sekali enda eme surat kiriman rasul Paulus man perpulungen i Epesus ibas penjara nari. Memang tempa la lit teridah masalah ibas perpulungen enda, bagi permasalahan siihadapi perpulungen si deban, tapi ate Paulus gelah kiniersadan sitercipta erkiteken gereja harus tetap ijaga. Emaka surat enda bentukna pengelayasi man perpulungen, subuk secara individu, bagepe secara gereja, bagepe ibas berkeluarga (hubungen perpulangen ras ndehara, bagepe sebalikna).
2. Manifestasi Kesah si badia harus teridah ibas keluarga, ija keluarga (perbulangen ras ndehara) harus nggeluh sikeleng-kelengen. Adi nggeluh sikeleng-kelengen berarti keluarga nggeluh ibas ikaten ras Yesus Kristus.
3. Hubungen perbulangen ras ndehara harus min bagi hubungen Yesus Kristus ras perpulungen. Ija Yesus ngkelengi perpulungen ras perpulungen harus ka patuh man Yesus, bageme seharusna, sekalak ndehara harus patuh man perbulangenna, Bagepe sebalikna perbulangen harus ngkelengi ndeharana bagi Kristus ngkelengi perpulungen. Perbahanen sibage gelah kegeluhen keluarga tetap nggeluh ibas kebadiaan. Bagi Kristus mpersebahken dirina guna perpulungen, bage me makna kerna perbulangen harus ngkelengi ndeharana.
4. Hubungen perbulangen ras ndehara igambarken bagi hubungen Yesus ras perpulungen, enda ibuat ibas latar belakang bangsa Israel, ija Dibata jadi perbulangen bangsa Israel, janah bangsa Israel eme ndehara Dibata (band. Hosea 2:16; Yesaya 54:4-6; 62:4-5; Yehezkiel 16:7-8). Memang para nabi memuliaken perpadanan i Sinai selaku perjabun Yahwe ras umatNa.
5. Pengkelengi sekalak perbulangen man ndeharana berarti perbulangen e ngkelengi dirina jine, sebab sekalak ndehara ijadiken arah tulang rang-rang dilaki, emaka situhuna ndehara e me bagin si la terpisahken ibas kula dilaki nari, emaka harus ikelengi.

THEOLOGIA NASKAH
- Sekalak ndehara harus patuh man perpulangen, bagi perpulungen patuh man Yesus.
- Sekalak perbulangen harus ngkelengi ndehara, bagi Yesus ngkelengi perpulungen.
- Perbulangen harus ngkelengi ndehara, bagi ia ngkelengi dirina jine.

APLIKASI.
Salah sada persoalen ibas jabu-jabu eme kurangna keterbukaan ibas jabu, adi kurang keterbukaan berarti komunikasina nge bagi si kurang, erkiteken sie, subuk perbulangen bagepe ndehara nggeluh kecurigaan. Edi enggo bage maka siterjadi keluarga lanai harmonis. Ibas Komunikasi mehuli, lit ketrbukaan ibas keluarga enda sangat penting kal, guna njaga keharmonisan jabu.
Keterbukaan la saja icidahken arah kata, tapi pe harus arah perbahanen, harus “seiring” anggota keluarga tek man banta. Jadi situhuna adi kin tuhu keleng ateta keluarganta maka kegeluhenta ula erbuni-buni. Sebab Tuhan enggo mpersadaken kita ibas keluarga guna nggeluh ibas persadan, gelah terpuji gelar Tuhan ije. Jadi lit sada misi siharus iemban keluarga. Emaka gelah keluarga nggeluh ibas keterbukaan, sipaling penting lebe keluarganta harus erkemalangen man Tuhan, gelah sigejapken kegeluhen keluarganta e erkiteken pasu-pasu Tuhan. La saja e, tapi pe sigejapken kepala keluarga eme Yesus Kristus. Bagepe Keterbukaan harus lebe iprakteken perbulangen ras ndehara, gelah kerina anggota keluarga banci ngikutisa.
Gelah keluarga nggeluh ibas keterbukaan ras la saling curiga, maka siharus ibahan keluarga kristen eme rusur min berkomunikasi, ercakap-cakap, ibas hal enda perbulangen ntah ndehara (orang tua) harus nciptaken sada paksa guna ercakap-cakap sada ras sidebanna, ibas suasana percakapen enda, situriken me kai sijadi perbeben ras kiniseranta, gelah kerina isi jabu banci metehsa, sidungna kerina isi jabu banci memahami ras “menggumuli” ras-ras. Jadi sada persoalen ntah pe perbeben keluarga la saja jadi tanggungen salah sada anggota keluarga, tapi kerina anggota keluarga.

Pdt. Steven Kumenit, STh.,M.Min.