Keluarga Dan Budaya/Adat (Filipi 3:1-10)

PEKAN KEBAKTIN KELUARGA
GEREJA GBKP
WARI V, TANGGAL 9 JUNI 2011
============================
Introitus : Dage, ersinalsal lah min terangndu i lebe-lebe kalak si nterem gelah adi idahna perbahanenndu si mehuli, ipujina Dibata, Bapandu si i Surga." (Matius 5:16).
Ogen : Matius 5:13-16.
Khotbah : Pilipi 3:1-10.
Tema : Jabu Ras Budaya (“Adat”)

LATAR BELAKANG
1. I tengah-tengah perpulungen Pilipi enggo lit bahaya perpecahan erkite-kiteken pengajaren sipapak siibaba kalak kristen asal Yahudi. Kalak kristen asal Yahudi enda tetap denga jemak kebiasaan-kebiasaan agama Yahudi, kerna turat, lebih khususna kerna sunat. Ibas pengajarenna nina lenga terjeng terk man Yesus saja. Keselamatan e lenga sempurna, emaka harus isunat gelah sempurna.
2. Ibas situasi enda Paulus mpersingeti sekaligus ngajuk ras mpegegehi kiniteken perpulungen Pilipi gelah ermeriah ukur erkiteken persadan ras Kristus Yesus. Persadan ras Kristus Yesus enda me palasna perpulungen Pilipi nggeluh ibas keselamatan, sebab perpulungen nge si enggo ngaloken sunat si tuhu-tuhu, sebab perpulungen nembah man Dibata arah Kesah si Badia, labo ernalem man adat-adat siteridah. Ermeriah ukur ibas persadan ras Kristus Yesus, maksudna gelah perpulungen ermeriah ukur sue ras peratenNa. Amin bage gia Perpulungen harus tetap metenget, sebab isekelewetna lit ajaren-ajaren sipapak.
3. Selain Paulus mereken kata persinget gelah perpulungen metenget, ipihak lain ka simbaba pengajaren sipapak enda (kalak kristen asal Yahudi) irawai Paulus, alu ngataken maka ia (sindalanken pengajaren sipapak) biang. Biasana penggelaren biang ipake kalak Yahudi guna ibereken man kalak “kafir” erkiteken la ia tek man Tuhan, sebab kalak “kafir” kotor ras najis. Jadi erkiteken “penyesat-penyesat enda eme biang, maka ula deheri ia.
4. Kerina adat-adat siteridah, termasuk sunat e sia-sia. Guna njelasken enda Paulus ncontohken dirina sendiri, janah enda pe sada serangen man kalak (kelompok) singajarken ajaren Yudaisme. Penekananna, Paulus eme kalak Yahudi asli si ndalanken ajaren ras dogma agama Yahudi, ia la pernah ersalah, janah erkiteken tutus ndalanken kerina e, maka ku gasgasi pe gereja, tapi kerina e kuakap untung kepeken merupaken sada kerugin. Enda kerina erkiteken Paulus enggo nandai Yesus Kristus.
5. Paulus ngataken enda, guna ncidaken keuntungen-keuntungen siimilikina selaku kalak Yahudi situtus, tapi kenca itandaina Yesus Kristus, iambengken Paulus kerina e. Erkiteken kai? Erkiteken Paulus nggit memiliki Kristus ras kebenarenNa alu dalan tek man Yesus Kristus, jadi labo arah kebenarenna sendiri alu ndalanken ketaatan man hukum taurat.

THEOLOGIA NASKAH
- Merialah akapndu erkiteken persadanndu ras Tuhan, emaka metengetlah nandangi kalak si ndalanken perbahanen-perahanen sijahat.
- Perpulungen Pilipi e enggo isunatken, janah sunat e sunat situhu-tuhu.
- Tangtangna iakap Paulus merupaken sada keuntungen ndalanken undang-undang, tapi kepeken sada kerugin. Enda erkiteken Paulus enggo tek man Yesus Kristus.

APLIKASI
Kita selaku kalak sienggo terlahir I tengah-tengah adat, tentuna kegeluhenta ibaluti alu adat, enda teridah ibas kerina eksistensi kegeluhenta, subuk ibas ermeriah ukur bagepe ceda ate, peranen adat teridah kal. Adat labo merupaken sada hal sisalah, sebab enda merupaken kebiasaan ras norma ibas kegeluhenta. Saja selaku kita kalak kristen kita harus metenget nandangi adat e, sebab lit denga adat e si lenga iterangi kata Dibata. Erkiteken sie me hadir gereja. Kehadiren gereja labo guna meneken adat si lit bas kita, tapi guna melestarikenca alu ngisi terang kata Dibata. Erkiteken sie ka me, gereja tetap ngajuk gelah keluarga-keluarga kristen tetap ndalanken adat, tapi ula bene kinitekenta; apakah alu mpraktekken adat sidekah, ntah erkiteken ngikuti adat, kita lanai ersembah ku Tuhan ibas hari minggu, rsd.
Siniharapken man jabu kalak kristen tetap nggeluh ibas persadan ras Yesus Kristus, ras tetap ersembah man Yesus selaku Tuhan. Alu bage mpraktek-praktek kegeluhen ada sidekah ula min nggeluh ibas kegeluhen jabu-jabu kalak kristen, tapi siterangi kerina e alu kata Dibata. Jabu kalak kristen la perlu “elergi” man adat, saja sipake ras sidalankenlah adat sue ras kata Dibata.

Pdt. Steven Kumenit, STh.,M.Min.