Keluarga Dan Pekerjaan/Karier (Kisah Para Rasul 18:1-8)

PEKAN KEBAKTIN KELUARGA
GEREJA GBKP
WARI II, TANGGAL 6 JUNI 2011
Introitus : Sangap kal kalak si malang man TUHAN , si nggeluh ngikutken kerina perentahNa. (Mazmur 128:1).
Ogen : Mazmur 128:1-6.
Khotbah : Perbahanen Rasul-Rasul 18:1-8.
Tema : Jabu Ras Pendahin (“Karier”).

LATAR BELAKANG
1. Secara umum Pelayanan Paulus ikhususken man kalak si labo kalak Yahudi (Band. Perbahanen 15:12). Erkiteken sie me Paulus seh i kota Korinti guna mpeseh Berita keselamaten man kalak Korinti.
2. I kota Korinti ope ia erdahin tading ia i rumah Akwila ras Priskila si kin temanna sada pendahin erbahan tenda. Akwila situhuna tangtangna tading i Roma, tapi erkiteken kebijaken politik pemerintah Roma, maka ipelawes me kerina kalak Yahudi ibas kota Roma nari. Erkiteken sie me maka Akwila ras Priskila tading i kota Korinti. Jadi memang, Paulus tading I rumah Akwila ras Priskila erkiteken ikaten sada pendahin. Perbahanen ntah pe pendahin selaku tukang tenda erkiteken la ate Paulus mberatken perpulungen, emaka hasil arah tenda enda me si jadi modal Paulus guna mbiayai dirina sendiri.
3. Kenca reh Silas ras Timotius maka mulai me Paulus erdahin nehken Berita keselamatan ntah pe ngajar kerna Yesus eme Raja si ipadanken Dibata (band. Ayat 5; 2 Korinti 11:8-9) i kota Korinti, subuk man kalak Yahudi bagepe man kalak Yunani, tapi la teraloken kalak Yahudi, erkiteken sie me lalap ijabapi ras icekuraki kalak Yahudi Paulus, sebab la teralokenna, maka dungna ikipaskenna abu sileket i bas uisna, janah nina Paulus, adi bene kam ibas Dibata nari aku la ertanggungjawab, kam sendiri sigengkenca. Jenari itadingken Paulus ia kerina.
4. La teraloken kalak e kai siiberitaken Paulus kerna Mesias man kalak Yahudi, sebab man kalak Yahudi lit konsep sendiri kerna Mesias. Tuhu kalak Yahudi nimai Mesias, sebab e siipadanken Dibata, tapi labo arah Yesus.
5. Kai siibahan Paulus, khususna ngkibasken abu si leket ibas uis, bali ras kai siikataken Yesus man ajar-ajarNa (band. Matius 10:14). Adi bage, ngatakenca lanai lit hubungen keselamaten ras kalak ndai, janah beraten me kerna hukumen man kalak enda asangken kai siibahan Dibata man kota Sodom ras Gomora.

THEOLOGIA NASKAH
- Paulus nehken berita keselamatan man kalak Korinti i Rumah Pertoton.
- La teraloken kalak enda kai siiberitaken Paulus kerna Mesias.
- Ikibasken Paulus abu si leket ibas uisna, janah itadingken Paulus ia kerina. Enda kerina ngataken enggo putus hubungen keselamaten man kalak enda.

APLIKASI
Jabu eme sada institusi siibentuk Dibata, janah guna ncukupi kebutuhen keluarga, Dibata nggo nikapken kerina e, janah Dibata nuruh keluarga gelah ncukupi kebutuhen rumah tanggana arah kai sienggo isikapken Dibata (band. Kejadin 3). Landasan enda tetap jadi landasenta selaku keluarga kristen. Tapi siidah genduari erkiteken pendahin cukup nterem keluarga kristen lanai harmonis, apakah erkiteken lenga dat dahin ntah pe enggo dat dahin tapi erkiteken pendahin, keluarga “terabaikan/terlantar” erkiteken harus erdahin suari ras berngi, bagepe lit erkiteken kebutuhen simeningkat tapi pendapatan kurang, dungna lit ka simuat dalan pinta, apakah KKN, ras erbinaga alu la bujur, rsd.
Memang pendahin iperluken guna memenuhi kebutuhen keluarga, bagepe guna meningkatken status sosial keluarga, tapi kai gunana erdahin adi dungna keluarga la harmonis. Emaka sipaling penting man banta keluarga kristen eme erkemalangenlah lebe man Tuhan, emaka ngasup kita edahin ras berkarir alu mehuli “tenpa” harus mengabaikan keluarga. Silahkan saja kita erdahin ras meningkatkan karirta, janah sipepulung senta, tapi sidatkenlah kerina e alu mehuli janah keluarga tetap nggeluh ibas keharmonisan. Bagepe sisampatilah (sidukung) karier perbulangen ntah ndehara, subuk moril bagepe moral, sibaba ibas pertoton gelah pendahin ras karir tetap meningkat, alu bage terpuji ka gelar Tuhan.
Ibas keluarga, banci saja salah sada sierdahin ras siberkarier ibas perusahaan ntah pe ibas perkantoran, bagepe banci ka perbulangen ras ndehara erdahin ras berkaier. Ijenda siibutuhken eme kerjasama, labo sician-cianen, sebab kerina e guna kebutuhen ras-ras (keluarga), guna inikmati keluarga. Janah enda banci jadi adi keluarga e nggeluh erkemalangen man Tuhan.

Pdt. Steven Kumenit, STh.,M.Min.