BAHAN PJJ GEREJA GBKP
TANGGAL 12 – 18 JUNI 2011
=========================
Ulangan 6:4-9; Epesus 6:4.
Tema : Ndidik Anak Mulai Kitik-Kitik Nari.
LATAR BELAKANG
1. Ulangan 6:4-9.
- Merupakan sada pidato Musa man bangsa Israel, paksa bangsa Israel ngadi I dataran Moab, nandangi bengket ku tanah Kanaan. Musa ngerana uga gelah bangsa Israel engkelengi Tuhan sedekah nggeluh i tanah Kanaan. Maksud engkelengi Tuhan, gelah sedekah tading ibas tanah kanaan bangsa Israel tetap ersembah man Tuhan saja, Tuhan sienggo mbaba ras naruhken bangsa Israel ku tanah Kanaan.
- Ngkelengi Tuhan la banci ngadi bas orang tua ngenca, tapi harus pe iajarken man anak-anak (kesusuren bangsa Israel), gelah kesusuran bangsa Israel banci ngkelengi Tuhan ras ngaloken pasu-pasu idur Dibata nari, alu bage kegeluhen bangsa Israel tetap nggeluh ibas mejuah-juah. Emaka merupaken sada keharusen man orang tua (bapa) ngajarken anakna ibas kerina kesempaten ras ija saja.
- Bahan oratenta sekali enda merupaken syema (pengakun kiniteken) siharus iajarken man bangsa Israel berulang-ulang, gelah bangsa Israel ersembah man Tuhan saja. Iajarken man bangsa Israel kerna monoteisme (Dibata sisada). Enda mengantisipasi gelah bangsa Israel ula terpengaruh ras ersembah man dibata kalak Kanaan.
- Undang-undang ntah pe syema harus iiketken ibas pergelangen tan, harus ipake ibas perdempaken ras harus isuratken ibas binangun rumah ras ibabo pintu gerban, tujunna guna ngingetken bangsa Israel harus tetap ngkelengi Tuhan. Tapi ibas perkembangen selanjutna, sie jadi secara harafiah. Bangsa Israel enggo makeken tuhu-tuhu. Khusus ibas perdempakan lit sada kotak kitik, gelarnatefillim, terdiri ibas empat ruangan, janah isina eme la saja ulangan 6:4-9, tapi pe Kel. 13:1-10; kel. 13-11-16; ul. 11:13-21). Tapi Tefellim si lit ibas tan, hanya sada kotak saja. Janah kotak siitempelkan ibas binangun rumah ras ibabo rumah eme mezuza, isina bali ras tefellim.
2. Efesus 6:4.
- Sijadi bahan oratenta eme surat rasul Paulus siikirimkenna ibas penjara nari. Maksud Paulus ngirimken enda eme guna ngelayasi perpulungen i Epesus, khususna kerna kegeluhen berkeluarga. Selaku keluarga kristen harus teridah min manifestasi (perwujudan) kesah si Badia i tengah-tengah keluarga, emaka orang tua harus ngkelengi anakna alu keleng ate. Janah la banci pesega-sega anakna jadi merawa. Maksudna ibas orang tua (bapa) pebelin-belin anak-anakna harus erpelaskan keleng ate Kristus (ajaren kristen). Maksud kerina enda gelah anak banci meteh kerna keleng ate Tuhan, ras orang tua banci ncidahken kekelengen Kristus.
THEOLOGIA NASKAH
- Kelengilah TUHAN Dibatandu asa ukurndu, asa tendindu, asa gegehndu lit. Ola ndigan pe lupaken kerina perentah-perentah si kubereken sendah man bandu.
- Ajarken man anak ibas kerina kesempaten ras ija saja, ras burakenlah e ibas pergelangen tan, ibas perdempaken ras ibinangun ras ibabo rumah.
- Orang tua ipersingeti gelah ibas pebelin-belin anak ola pesega-sega seh anak jadi merawa.
APLIKASI
Lit sada cita-cita bangsa ras negaranta eme mencerdaskan kehidupan bangsa, emaka salah sada elemen gelah anak bangsa enda cerdas eme arah ndatken pendidikan formal sekolah. Guna menunjang enda lit sada undang-undang siipedarat pemerentah eme kerna tanggungjawab orang tua, ija adi lit orang tua si la mbaba anakna ku sekolah (anak la nggejapken pendidikan seh umur 9 tahun) maka orang tua e banci kena hukum, sebab labo saja la mperdiakeken pendidikan anak, tapi pe kecerdasan bangsa dungna banci terhambat.
Pendidikan anak merupaken tanggungjawab orang tua. Orang tua harus mendidik anak se dini mungkin. Bahkan pendidikan anak harus enggo mulai ibas bertin nari, sebab ibas bertin pe enggo lit kegeluhen, ras anak/bayi silit ibas bertin enggo banci menangkap kai siiajarken orang tua. Memang ibas ndidik anak, termasuk mereken pendidikan non formal sierbage-bage bentukna si banci ibereken orang tua. Tapi harus ka kita sadar enda terjeng pendidikan non formal denga, tapi pendidikan formal harus ka anak ibaba ku sekolah. Jenda me mekatep orang tua terbentur mbaba anakna ke sekolah, alu alasan klasik eme kerna biaya. Memang sieteh genduari enda biaya pendidikan tuhu cukup meherga, tapi guna mengantisipasi sie genduari lit fasilitas siikembangken gereja GBKP eme Pendidikan Anak Usia Dini (PAUD). Emaka siharapken orang tua ras gereja banci mendukung program enda she maka lanai lit alasan orang tua maba anakna ku PAUD. Alu bage kenca anak-anak enggo dewasa banci ia cerdas, la saja cerdas secara intelektualna, tapi pe cerdas spiritualitasna.
Pdt. Steven Kumenit, STh.,M.Min.
Tidak ada komentar:
Posting Komentar