Kamis, 23 Juni 2011

Pemaken Simbol-Simbol Sue Ras Tahun Gerejawi (Keluaren 26:31-37).

BAHAN PJJ GEREJA GBKP
TANGGAL 26 JUNI – 2 JULI 2011
=============================
Keluaren 26 : 31 – 37.

Tema : Pemaken Simbol-Simbol Sue Ras Tahun Gerejawi.

LATAR BELAKANG
1. Secara umum kitab Keluaren eme kitab sinuriken kerna pembebasan bangsa Israel ibas taneh perbudaken nari. Janah peristiwa enda merupaken peristiwa siutama ibas sejarah keselamaten ibas padan sindekah, sebab arah kejadin enda Dibata merealisasiken padanNa, siisehkenNa man bapa leluhur bangsa Israel.
2. Sijadi bahan oratenta eme peristiwa siterjadi i deleng Sinai. Ibas peristiwa enda lit sada hukum siharus ipatuhi bangsa Israel kerna si badia. Ibas hukum kerna kemah si badia, ipebetehken Dibata kerna kai siharus ilakoken bangsa Israel, subuk kerna pola, isi ras bahan-bahan siharus igunaken.
3. Bahan-bahan siikataken Tuhan enda, eme sada penunjang ibas kemah si badia, sebab kemah si badia e merupaken ingan Dibata tading, erkiteken sie maka bangsa Israel harus ngikuti kai siiperintahken Dibata. Janah bahan-bahan (nen = oratenta) merupaken batas antara ruang si Badia ras ruangen si Badiana kal.
4. Perlu siteh lebe, Kema Si Badia eme “simbol” kehadiren Dibata ras bangsa Israel. Ate Dibata, gelah bangsa Israel meteh maka Dibata ras ia ibas perdalanenna ku taneh Kanaan, emaka bangsa Israel harus nggeluh badia ras ndalanken perentahNa. Alu kata si deban, ate Dibata gelah bangsa Israel meteh maka Dibata sihadir ras ia eme Dibata simerentah ia. Enda me simerupakan sada kekhususan ras bangsa si deban. Ija bentuk pemerintahenna bas bangsa Israel eme teokrasi. Enda jelas sebab la saja Dibata hadir ras bangsa Israel arah kemah Si Badia, tapi pe undang-undang Dibata itamaken ibas kemah si Badia e.
5. Bahan-bahan kemah si Badia, termasuk pe ije uis lenen halus sijadi kire-kire antara ruang badia ras ruang si badiana kal eme sumbangen suka rela ibas bangsa Israel nari (band. Kel.25:1-7).

APLIKASI
Ibas gereja GBKP enggo lit simbol-simbol warna sue ras tahun gereja, enda ibahan erkiteken iidah simbol-simbol warna cukup penting man banta, guna lebih mereken pengertin kerna tahun-tahun gereja siidalani kita tep-tep tahun, alu bage anggota perpulungen banci meteh dingen kiniteken perpulungen banci ergegehna. Enda erbalik ras reformasi siibahan Calvin. Ibas reformasi Calvin, simbol-simbol enda mbue siibeneken. Sitading eme sakramen nari ngenca, tapi Calvin ras Luther pe berbeda ibas teologina, adi menurut Calvin Sakramen eme sada tanda ngenca, tapi adi Luther eme tuhu-tuhu anggur ras roti eme tuhu-tuhu dareh ras kula Kristus.
Perlu lebe siteh, kebaktinta (ibadah) merupakan sada bentuk perayaan, janah ate ibas perayaan gelah kita banci ersembah man Tuhan. Ibas kita ersembah man Tuhan kita lebih mudah dat penjelasan adi ibahan ibas dua bentuk eme arah khotbah as arah simbol, subuk warna bage gambar. Memang ibas gerejanta (GBKP), simbol baru terbatas ibas warna saja (tablak meja ras mimbar), lenga seh ku paken jabatan pelayanen pendeta (toga), tapi adi gereja-gereja si deban enggo seh ku je.
Ibas kinata kita bergereja, lenga kerina runggun-runggun makeken simbol-simbol enda, padahal simbol-simbol khususna warna enggo isepakati ibas sidang sinode GBKp guna ipake. Janah lit 5 warna siharus iikuti sue ras tahun gereja. Janah kerina enda lit maknana sendiri.
Genduari sicakapken ibas sermon enda, uga ras digan pelaksanaan pemaken simbol-simbol bas gerejanta.

Pdt. Steven Kumenit, STh.,M.Min.

Tidak ada komentar:

Posting Komentar