Selasa, 19 Juli 2011

Gereja Yang Dewasa (1 Korintus 2:6-16)

BAHAN PJJ GEREJA GBKP
TANGGAL 24 – 30 JULI 2011
==========================
1 Korinti 2:6-16.

Tema : Gereja Si Dewasa.

LATAR BELAKANG
1. Surat Paulus man perpulungen i Korinti, isuratken Paulus i kota Epesus nari, erkiteken ibegina i Korinti lit masalah. Masalah siterjadi eme nggeluh ibas kelompok-kelompok, penyombongan rohani, ras la lit nari kekelengen, rsd. Enda tentuna iidah Paulus la ncidahken status gereja, erkiteken sie Paulus mpersingeti perpulungen Korinti.
2. Ibas Paulus mpersingeti perpulungen korinti lit piga-piga hal siiangkatna ras sijadi penekanan eme kerna kepentaren. Paulus mpertentangken kerna kepentaren ibas Dibata nari sierlawanen ras kepentaren doni enda. Kepentaren doni enda la bo ngasup ngangkai kepentaren ibas Dibata nari. Enda bukti penguasa-penguasa doni si enggo, makuken Yesus i kayu persilang. Enda itekanken Paulus gelah perpulungen Korinti banci memahami kerna kepentaren ibas Dibata nari, sebab adi perpulungen Korinti tetap denga mengandalken pemahamanna sendiri kerna keselamaten, e berarti perpulungen Korinti nggeluh ras ikuasai kepentaren doni denga, emaka kegeluhen si egois (band. Singataken ia enggo ibas tingkat sisempurna ibas kegeluhen kalak rohani), bagepe ndarami kepuasan jasmani arah logika (band. Gaya Apolos ras kai siiangkaina ibas pemetehna ianggapna sipaling penting), bagepe sada pengakap maka erta labo penting ras etika mekatep la iakuina tetap nggeluh (Pengaruh filsafat filo).
3. Kepentaren sierdahin ibas salib, la ngasup iangkai penguasa-penguasa. Kepentaren ibas salib eme nelamatken kerina jelma ras munuh kerina biak doni enda. Janah pemberitaan kerna enda iberitaken man kalak si enggo dewasa kinitekenna, gelah iangkaina kerna sie. Jadi la lit singasup ngangkai maka sura-sura Dibata guna nelamatken manusia seh ku kayu persilang. Erkiteken sie me rahasia-rahasia Dibata enggo mulai teridah (band.ayat 9).
4. Kesah Si Badia si nggeluh bas pusuh anggota perpulungen mereken pengangkan situhu-tuhu kerna rencana karya keselamaten Tuhan bas doni enda. Emaka man manusia doni, Kesah Si Badia merupaken sada kebodohan, sebab Kesah si Badia erdahin diluar batas-batas kengasupen nalar manusia guna ngangkaisa. Iantarana eme adi Yesus Kristus eme Mesias ras Tuhan engkai maka Ia harus enggeluh ibas kiniseran ras mate.
5. Erkiteken sie Kesah Si Badia si enggeluh bas dirita, la banci ikacauken ras kesah doni enda eme ideologi, penalaran, spekulasi manusia. Kesah Si Badia berbeda ras kesah doni enda. Kesah Si Badia reh Ibas Dibata nari guna mereken pengangkan kerna pemere-pemere Dibata, termasuk pemere Kesah. Enda itekanken Paulus sebab iidah Paulus perpulungen Korinti “terlalu” menyombongkan diri kerna pemere Kesah . Kalak enda erpengangkap maka adi enggo ndatken pemere Kesah eme glosolalia maka e berarti enggo she ku tingkat kiniteken si serta (enggo selamat), janah enda banci idatken sendiri.

APLIKASI
Sekali enda kita ngerana kerna gereja si dewasa. Tentuna enda menyangkut kegeluhen kalak sitek man Yesus Kristus. Guna lebih memahami kerna gereja si dewasa, tentuna sipertama lebe kita harus memahami kerna kai siimaksudken Paulus kerna gereja si dewasa. Gereja si dewasa singgeluh ibas persadan ras Yesus Kristus ras ngasup ngangkai kerna makna salib. Sebab kalak singgeluh ibas persadan ras makna salib maka bas kita lanai lit biak-biak doni. Alu bage kita gasup ngangkai alu tuhup-tuhu kai siimaksudken Yesus man banta. Enda me siharus iaplikasiken gereja ibas kegeluhenna tep-tep wari, ibas erti kata gereja si dewasa eme sipemena : Kesah Si Badia nggeluh min man anggota perpulungen ras anggota perpulungen harus nggeluh ibas kiniteken ras erpengarapen man Kristus saja (band. 1 Korinti 15:14,17; Roma 5:2). Emaka kai pe tantangan bagepe perbeben ras kiniseran sisehken man Kristus saja, ku je lah kita reh mindo penampat. Sipeduaken : Kita harus nggeluh ibas persadan (band. 1 Korinti 12). Sipeteluken : Nggeluh ibas pelayanen (band. 1 Petrus 2:9). Sipeempatken kalak si tek harus nggeluh ibas sikeleng-kelengen ras sisampat-sampaten (band. Matius 22:37-40; Yoh.13:34; Yoh.15: 12; Perbahanen 2, 4; epesus 4:2). Sipelimaken : adi ngerana kerna gereja si dewasa, tentuna kita ngerana kerna kemandirian gereja, ibas erti kata kita enggo nggeluh ibas kemantirian, subuk teologi, daya ras dana. Khususna GBKP enggo cukup ndekah njayo (69 tahun). Ibas situasi genduari enggo min ngasup perpulungen erpengarapen ras ndalanken pengajaren gereja GBKP sendiri, ula icampur adukken ibas pengajaren idarat gereja GBKP. Sebab ibas pengajaren GBKP, keselamaten ras nggeluh erkemalangen man Tuhan ipeseh man anggota perpulungen. Alu bage anggota perpulungen lanai ijolah-joleken ibas pengajaren doni enda.

Pdt. Steven Kumenit, STh.,M.Min.

Tidak ada komentar:

Poskan Komentar