Peran Anggota Jemaat GBKP Dalam Pelayanan GBKP (Kisah Para Rasul 17:10-15)

BAHAN PJJ GEREJA GBKP
TANGGAL 17 – 23 JULI 2011
=============================
Perbahanen Rasul-Rasul 17 : 10 – 15.

Tema : Peran Ngawan Perpulungen GBKP Ibas Pelayanan GBKP

LATAR BELAKANG
1. Paulus tiba i kuta Berea erkiteken menghindar ibas pengajaren kalak Jahudi si lit ibas Tesalonika. Sebab i Tesalonika ate Kalak Jahudi nangkap ras munuh Paulus, sebab kai siiberitaken Paulus bertentangen ras pengangkan keselamaten kerna Mesias man kalak Jahudi. Tuhu kalak Jahudi tek man kerehen Mesias, tapi labo arah Jesus Kristus. Pengangkan kalak Jahudi kerna Mesias eme la bagi Jesus (band. Jesus tubuh selaku manusia arah Yusup ras Maria, ibas golongan musil, nggeluh ibas kiniseran, rsd), tapi harus mehaga janah reh ibas surga nari. Tapi kepeken kalak Jahudi silit i Berea berbeda, kalak Jahudi i Berea lebih rasional ras lebih bersahabat, emaka kai siiberitaken Paulus kerna Mesias ras keselamatan siibaba Yesus Kristus, ras-ras ia mpelajarisa ibas pustaka si badia, janah dungna nterem ia si tek.
2. Pempeberitaan Paulus man kalak Jahudi terjadi ibas rumah pertoton kalak Jahudi, janah bentukna eme penelitian pustaka (literatur). Enda ilakoken erkiteken kalak Jahudi enda berbeda ras kalak si la Jahudi, kalak Jahudi enda enggo iangkina kerna Dibata ras Mesias, janah kerna Mesias sienggo ipadanken Dibata, enggo tersurat ibas pusataka si badia, emaka pembuktian kerna kai siikataken Paulus harus ”icek” ibas pustaka si Badia. Iphak sideban ibas kalak Jahudi lit guru-guru agama ras kalak Farisi simeteh kerna undang-undang.
3. Penghambatan siilakoken kalak Jahudi i Tesalonika “mendorong” erpedasna pemberitaan kerna keselamatan i kota sideban (Berea), emaka lit sada istilah semakin dihambat, semakin merambat. Saja ibas perkembangen keselamaten siterjadi i Berea peturah cian ras nembeh ate man kalak Jahudi si lit i Tesalonika, erkiteken sie me reh kalak Jahudi i Tesalonika iajuk-ajukna jelma sinterem guna guntari. Sebab adi enggo ribut maka lit sada alasen Paulus ibaba ku mahkamah agama (sahendrin) guna iadili, ntah pe ku pemerintah Romawi erkiteken enggo terjadi keributen ibas kota. Perlu siteh jarak antara Tesalonika ras Berea kurang lebih 55 km.
4. Hal sienda iidah perpulungen emaka isuruhna gelah Paulus menghindar ku kuta sideban eme Aten. Ibas rangka melindungi Paulus, maka piga-piga kalak si enggo tek i Berea naruhken Paulus seh ku Aten arah pelabuhan. Enda me penampat Perpulungen man Paulus.
5. Penghambatan siilakoken kalak Jahudi si lit i Tesalonika, selain menghambat kerna pemberitaan Paulus, tapi pe erkiteken nembeh atena man pribadi Paulus. Sebab Paulus si merenda sada rarasan (kelompok) ras ia, tapi “genduari” enggo tek, janah alu “mati-matian” mberitaken Mesias ras keselamatenNa man doni enda. Jadi enggo tercipta sada permusuhen antara kalak Jahudi ras Paulus sendiri, enda pe hanya sepihak ngenca, sebab Paulus la ernembeh ate man kalak.

APLIKASI
Nehken Berita Si Meriah ras ngelai eme keterpanggilan kalak si enggo tek man Yesus Kristus ras merupaken buah kiniteken kalak si enggo tek man Yesus Kristus. Janah kita selaku anggota perpulungen ibas gereja GBKP harus sadar maka ibas gereja GBKP melala pelayanan siharus ilokeken gereja, tentuna gol ibas pelayanen gereja eme gelah keselamaten sienggo ibereken Tuhan Yesus arah kayu persilang tetap adi sikerajangenta, bagepe sedekah kita nggeluh ibas doni enda, nggeluh badia harus tetap terjaga. Ibas rangka enda me maka program-program pelayanen isusun. Janah harus ka sigejapken program-program enda merupaken penglibaten kerina anggota ngawan, emaka enggo seharusna anggota ngawan GBKP ikut terlibat aktife ibas pelayanen gereja GBKP. Jadi ibas gereja Tuhan (GBKP) labo lit anggota perpulungen sijadi penonton ngenca, tapi kerina harus jadi pemain. Ibas kita kerina jadi pemain maka kai siisura-suraken Dibata lebih pedas tersehi, sebab ras-ras kita ndahikenca. Saja guna ndalanken pelayanen ibas gereja harus sue ras kengasupen ras kiniliten si lit bas anggota perpulungen, kerina lit tanggungjawabna masing-masing (band. ku Ia me kerina kula e irakut. Kerina ringring e iranggut dingen ipersada alu penampat urat si lit i bas ringring e – Epesus 4:16). Nterem kita la nggejapken kerna sienda, erkiteken sie pertumbuhen gereja agak lambat. Janah adi sioge ibas tata gerejanta maka ije tertulis keterlibatan anggota perpulungen (nen = Tata Gereja GBKP Bab II pasal 8).
Melala bentuk pelayanan sibanci pepulungen muat bagin, eme pelayanan diakonia, pelayanan PRT. Muat bagin ibas koor i gereja, jadi song leader, ntah pe nampati serayan Tuhan alu erbage-bage bentuk, rsd.

Pdt. Steven Kumenit, STh.,M.Min.