Kejadian 2:4b-9
Tema : Makna Teologis Kerna Kegeluhen Kiniteken.
LATAR BELAKANG
1. Selain kejadin pasal 1, Kejadin pasal 2 pe ngerana kerna penciptaan, janah alu jelas ibas kitab kejadin enda ngataken kerina si lit ibas doni enda Tuhan sinjadikenca, janah “top” penciptaan Tuhan eme manusia.
2. Manusia ijadiken arah abu taneh, janah arah Kesah Dibata siiembusken Tuhan ku igung manusia e, maka nggeluh me manusia e. Tapi kegeluhen manusia la pasif, tapi aktif, erkiteken sie me ijadikkan Tuhan ka peken i Eden guna ingan manusia tading. Manusia nggeluh i peken Eden. Jadi teridah ijenda manusia la banci ipisahken ras taneh, sebab manusia ijadiken arah taneh, bagepe manusia la banci ipisahken ras Tuhan sebab Tuhan sinjadiken manusia e. Bagepe manusia la banci ipisahken ras doni enda, sebab doni enda “singelai” manusia emaka manusia banci “nggeluh secara jasmani”
3. Kegeluhen manusia ibas doni enda, nggeluh ibas perentah Dibata, emaka sepanjang manusia patuh man perentah Tuhan, sepanjang e ka manusia banci nggeluh, tapi kenca manusia lanai patuh man perentah Dibata, maka minter manusia mate. Guna kepatuhen simereken kegeluhen e me, Tuhan ngataken maka manusia ula ndeheri sada batang kayu simereken pemeteh kerna sibujur ras sijahat (band. Kej.2:16), sebab ibas manusia ndeheri ras man buah batang kayu e, maka minter manusia mate. Jadi kegeluhen manusia itentuken arah perentah ras ndalanken kai siikataken Tuhan.
4. Ibas peken i Eden lit dua batang kayu, eme batang kayu kegeluhen ras sada batang kayu pemeteh sibujur ras sijahat. Dua batang kayu enda mempunyai erti simbolis, ija batang kayu kegeluhen melambangkan lkegeluhen sirasa lalap adi manusia e nggeluh alu dame ras Dibata, nggeluh patuh man Tuhan saja. Tapi batang kayu simereken pemeteh kerna sibujur ras sijahat melambangkan Dibata kap ngenca si lit hakna guna meteh kena kebujuren ras si jahat. Alu kata sideban manusia haru patuh ngelakoken kai siikataken ras siitetapken Dibata kerna kebujuren ras nadingken kai siitetapken Dibata kerna si jahat, janah tanda kepatuhen enda manusia la banci man buah e, adi ipanna maka mate me manusia e.
5. Tujun manusia itamaken Dibata i peken Eden eme gelah manusia banci njagai ras ngusahai taneh ras taman e (ayat 5, 15). Berati manusia ibere “kuasa” ibas Dibata nari guna njagai ras ngusahai kai sienggo ijadiken Tuhan. Manusia la banci ncedai peken e, sebab adi peken enda ceda maka kegeluhen manusia terancam, sebab manusia banci dat nakan i je nari.
THEOLOGIA NASKAH
- Lenga lit si turah ibas doni enda erkiteken lenga lit singusahai taneh e.
- Manusia njadiken manusia e arah abu taneh nari, janah Dibata mereken kesah kegeluhen man manusia e arah igung manusia.
- Kenca manusia ijadiken Tuhan, emaka ibahan Tuhan sada peken i Eden, janah itamakan Tuhan manusia e ije, janah ibas peken e lit sada batang kayu simereken kegeluhen ras sada batang kayu simereken pemeteh kerna si bujur ras si jahat.
APLIKASI
Tahun 2011 sada enggo icanangkan gerejanta sebage tahun peningkaten teologi, peningkatan spiritualitas ras peningjkatan mutuh kebaktin. Janah ibas bahanta sekali ikhususken kerna spiritualitas. Memang kata enda la asing man banta, tapi jadi penungkunen enggo kin mbages pengangkanta kerna spiritualitas e. Perlu lebe sipahami spiritualitas terbagi ibas dua suku kata eme spirit si berarti kesah, janah enda pemere Dibata ntah pe Kesah Dibata jine, janah kualitas eme tingkat baik buruk sesuatu, emaka adi siertikan alu sederhana eme kualitas kegeluhen selaku kalak sierkiniteken man Tuhan. Jadi adi kita ngerana kerna spiritualitas maka kita ngerana kerna hubungenta ras Tuhan Dibata. Keterhubungenta teridah ibas kita patuh nandangi perentahNa. Jadi adi kita lanai patuh man Tuhan maka spiritualitasta la lit, kita nggeluh ibas kematen, sebab spiritualitas berhubungen ras kegeluhen.
Spiritualitas kalak kristen eme spiritualitas sipatuh nandangi perentah Dibata, enda me siharus teridah ibas kegeluhenta tep-tep wari, janah adi siidah ncukup nterem kita simengabaikan enda, emaka mekatep kita erteman ras biak doni enda, sidungna mereken kemalun ras kematen man banta (band. Roma 6:23). Enda jadi erkiteken la kita nggeluh ras patuh nandangi perentah Tuhan, tapi adi kita patuh maka ngasup nge sincidahken kerna spiritualitasta ibas kegeluhen i tengah-tengah doni enda. Perlu siteh lebe spritualitas kegeluhenta eme bentukna ngelai, adi bahasa kitab kejadin ngusahai ras njagaisa.
Spiritualitas ngataken ibas kegeluhenta silebih sipenting eme uga kita banci ndahiken keselamaten sienggo ibereken Tuhan ibas kegeluhenta tep-tep wari. Emaka hal-hal siberhubungen guna ncedai kinitekenta harus sisilahken. Ibas erti kata, kita la banci ngadi guna ndalanken singena ate Tuhan gelah kita tetap nggeluh.
Pdt. Steven Kumenit
Senin, 31 Januari 2011
Selasa, 25 Januari 2011
KERJA RANI/PESTA PANEN (IMAMAT 23:5-24)
IMAMAT 23:5-24.
Tema : Kerja Rani.
LATAR BELAKANG
1. Secara umum kitab enda ngerana kerna kebadiaan, janah enda merupakan sada penekanan man bangsa Israel. Bangsa Israel harus badia erkiteken Dibata Badia kap (band. 11:44-45; 19:2; 20:7,26). Penekanan enda erkiteken bangsa Israel berbeda ras bangsa si deban, bagepe bangsa Israel enggo ipedarat ntah pe enggo ipisahken ibas bangsa Mesir nari.
2. Ibas rangka nggeluh ibas kebadiaan, maka bangsa Israel harus ngikuti kai siikataken Dibata. Salah sada siikataken Dibata eme bangsa Israel harus ngerayaken wari-wari raya siitetapken Tuhan. Sebab ibas wariwari raya e lit sada petunjuk guna iikuti bangsa Israel, subuk cara ersembah bage nehken persembahen. Maksud enda kerina erkiteken Dibata Badia janah la lit si deban si Badia maka bangsa Israel patuh man Tuhan saja, sebab ibas kepatuhen man Tuhan maka bangsa Israel nggeluh ibas kebadiaan. Bangsa Israel banci badia adi bangsa Israel terhubung ras Dibata si Badia e.
3. Ibas kegeluhen bangsa si badia (bangsa Israel), maka lit waktu si mendukung gelah kebadiaan bangsa Israel tetap terjaga, janah waktu e berhubungen ras perayaan, bagepe penembahan. Ibas waktu-waktu si badia e eme wari kudus mingguan (sabat), bagepe lit waktu kudus tahunan, eme telu perayaan simbelin i tambah wari raya pendamaian. Piga-piga wari badia si berhubungen ras perayaan eme Paskah ras wari raya roti si la beragi, tujunna guna mpehagaken Tuhan, wari raya paksa rani, tujunna eme mpersembahken gandum simbaru man Tuhan, bagepe wari raya tahun simbaru siertujun ersembah ras nehken persembahen pangan man Tuhan. Sebab ate Dibata ibas pebadiaken waktu enda bangsa Israel banci ngakui Tuhan eme Dibata sierkuasa, bagepe gelah manusia (bangsa Israel) banci istirahat ras la erdahin guna dirina sendiri.
4. Ibas bangsa Israel ndalanken kai siiperintahken kerna kebadiaan ibas waktu-waktu si lit siberhubungen ras perayaan-perayaan, maka enda ngataken bangsa Israel ersembah man Dibata si Badia ras nggeluh ibas persadan, ras ndalanken kekelengen. Sebab ijenda la saja icidahken kerna kepatuhan ersembah man Tuhan saja, tapi uga mperdiateken sapih-sapih manusia.
5. Hukum kebadiaan enda siikemas ibas bentuk keagamaan ras beribadatan gelah bangsa Israel nggeluh ibas kebadiaan, sebab ibas bangsa Israel ersembah ras nehken persembahen, ije me bangsa Israel ibadiaken. Perlu siteh, lit makna ras tujun nehken persembahen, eme persembahen pangan (ayat 8, 16), ertina mindo gelah Dibata masu-masu ras hadir. Persembahen pungo (ayat10), tujunna gelah pasu-pasu Dibata (Tuhan berkenan). Persembahen tutungen, tujunna guna menebus dosa umum si la isengaja, janah enda harus itutung seh keri. Persembahen persadan (ayat 19), tujunna gelah Tuhan berkenan ras masu-masu.
APLIKASI
Ibas tahun gerejawi GBKP, tanggal 30 Januari eme pelaksanaan Kerja Rani, janah enda merupaken kegiatan ras “wari raya” rutin siilaksanakan gereja GBKP. Ibas kegiaten Kerja rani enda, lit piga-piga makna ije eme 1). Pelayanan gereja man perpulungen. 2). Naruhken anggota perpulungen nehken persembahen hasil jumana sedekah sada tahun. Memang ibas point enda harus min siteh labo kerina kita perjuma, apai ka kita sitading i kota, emaka siimaksudken ulih juma sada tahun eme ulih pendahinta sada tahun subuk hasil juma bage pe gajinta. 3). Ibas rangka pergegeh keuangan gerejanta gelah pelayanan-pelayanan gereja banci tersehi.
Ibas kerja rani enda kita nehken persembahen man Tuhan sebab siamini maka kai si lit bas kita, ntah pe lit hasil jumanta erkiteken pasu-pasu Tuhan, emaka bentuk persembahen enda eme pengataken bujur. Ibas pengataken bujur enda pe, sipindo man Tuhan gelah Dibata ngaloken persembahenta ras pe sipindo gelah Dibata masu-masu pendahin ras jumanta, alu bage ibas tahun si reh banci ka kita nehken persembahen man Tuhan ibas kerja rani
Siidah genduari bentuk ras pelaksanaan kerna kerja rani erbeda-beda, lit sikonvensional (alu nehken persembahen arah amplop siitamaken ku lebe ibas kebaktin minggu), lit ka si imodivikasi, eme ikerjaken. Tapi lepas arah sienda kerina, kita kerina harus merespon pasu-pasu Tuhan arah Kerja Rani. Alu bage kita ipasu-pasu Tuhan. Tapi harus ka siinget ibas kita nehken persembahen kerja rani harus maka simehulina sisehken ibas kai si lit bas kita. Janah harus ka siinget ibas kita nehken persembahen enda teridah me spiritualitasta man Tuhan Dibata.
Pdt.Steven Kumenit, STh.,M.Min.
Tema : Kerja Rani.
LATAR BELAKANG
1. Secara umum kitab enda ngerana kerna kebadiaan, janah enda merupakan sada penekanan man bangsa Israel. Bangsa Israel harus badia erkiteken Dibata Badia kap (band. 11:44-45; 19:2; 20:7,26). Penekanan enda erkiteken bangsa Israel berbeda ras bangsa si deban, bagepe bangsa Israel enggo ipedarat ntah pe enggo ipisahken ibas bangsa Mesir nari.
2. Ibas rangka nggeluh ibas kebadiaan, maka bangsa Israel harus ngikuti kai siikataken Dibata. Salah sada siikataken Dibata eme bangsa Israel harus ngerayaken wari-wari raya siitetapken Tuhan. Sebab ibas wariwari raya e lit sada petunjuk guna iikuti bangsa Israel, subuk cara ersembah bage nehken persembahen. Maksud enda kerina erkiteken Dibata Badia janah la lit si deban si Badia maka bangsa Israel patuh man Tuhan saja, sebab ibas kepatuhen man Tuhan maka bangsa Israel nggeluh ibas kebadiaan. Bangsa Israel banci badia adi bangsa Israel terhubung ras Dibata si Badia e.
3. Ibas kegeluhen bangsa si badia (bangsa Israel), maka lit waktu si mendukung gelah kebadiaan bangsa Israel tetap terjaga, janah waktu e berhubungen ras perayaan, bagepe penembahan. Ibas waktu-waktu si badia e eme wari kudus mingguan (sabat), bagepe lit waktu kudus tahunan, eme telu perayaan simbelin i tambah wari raya pendamaian. Piga-piga wari badia si berhubungen ras perayaan eme Paskah ras wari raya roti si la beragi, tujunna guna mpehagaken Tuhan, wari raya paksa rani, tujunna eme mpersembahken gandum simbaru man Tuhan, bagepe wari raya tahun simbaru siertujun ersembah ras nehken persembahen pangan man Tuhan. Sebab ate Dibata ibas pebadiaken waktu enda bangsa Israel banci ngakui Tuhan eme Dibata sierkuasa, bagepe gelah manusia (bangsa Israel) banci istirahat ras la erdahin guna dirina sendiri.
4. Ibas bangsa Israel ndalanken kai siiperintahken kerna kebadiaan ibas waktu-waktu si lit siberhubungen ras perayaan-perayaan, maka enda ngataken bangsa Israel ersembah man Dibata si Badia ras nggeluh ibas persadan, ras ndalanken kekelengen. Sebab ijenda la saja icidahken kerna kepatuhan ersembah man Tuhan saja, tapi uga mperdiateken sapih-sapih manusia.
5. Hukum kebadiaan enda siikemas ibas bentuk keagamaan ras beribadatan gelah bangsa Israel nggeluh ibas kebadiaan, sebab ibas bangsa Israel ersembah ras nehken persembahen, ije me bangsa Israel ibadiaken. Perlu siteh, lit makna ras tujun nehken persembahen, eme persembahen pangan (ayat 8, 16), ertina mindo gelah Dibata masu-masu ras hadir. Persembahen pungo (ayat10), tujunna gelah pasu-pasu Dibata (Tuhan berkenan). Persembahen tutungen, tujunna guna menebus dosa umum si la isengaja, janah enda harus itutung seh keri. Persembahen persadan (ayat 19), tujunna gelah Tuhan berkenan ras masu-masu.
APLIKASI
Ibas tahun gerejawi GBKP, tanggal 30 Januari eme pelaksanaan Kerja Rani, janah enda merupaken kegiatan ras “wari raya” rutin siilaksanakan gereja GBKP. Ibas kegiaten Kerja rani enda, lit piga-piga makna ije eme 1). Pelayanan gereja man perpulungen. 2). Naruhken anggota perpulungen nehken persembahen hasil jumana sedekah sada tahun. Memang ibas point enda harus min siteh labo kerina kita perjuma, apai ka kita sitading i kota, emaka siimaksudken ulih juma sada tahun eme ulih pendahinta sada tahun subuk hasil juma bage pe gajinta. 3). Ibas rangka pergegeh keuangan gerejanta gelah pelayanan-pelayanan gereja banci tersehi.
Ibas kerja rani enda kita nehken persembahen man Tuhan sebab siamini maka kai si lit bas kita, ntah pe lit hasil jumanta erkiteken pasu-pasu Tuhan, emaka bentuk persembahen enda eme pengataken bujur. Ibas pengataken bujur enda pe, sipindo man Tuhan gelah Dibata ngaloken persembahenta ras pe sipindo gelah Dibata masu-masu pendahin ras jumanta, alu bage ibas tahun si reh banci ka kita nehken persembahen man Tuhan ibas kerja rani
Siidah genduari bentuk ras pelaksanaan kerna kerja rani erbeda-beda, lit sikonvensional (alu nehken persembahen arah amplop siitamaken ku lebe ibas kebaktin minggu), lit ka si imodivikasi, eme ikerjaken. Tapi lepas arah sienda kerina, kita kerina harus merespon pasu-pasu Tuhan arah Kerja Rani. Alu bage kita ipasu-pasu Tuhan. Tapi harus ka siinget ibas kita nehken persembahen kerja rani harus maka simehulina sisehken ibas kai si lit bas kita. Janah harus ka siinget ibas kita nehken persembahen enda teridah me spiritualitasta man Tuhan Dibata.
Pdt.Steven Kumenit, STh.,M.Min.
Langganan:
Postingan (Atom)