Minggu, 03 Juni 2012

Persadan Jabu Ibas Keluarga Kristen (Matius 7:1-20)

BAHAN PEKAN KELUARGA
GEREJA GBKP
WARI VI, JUMAT 8 JUNI 2012.
=============================
Introitus : Bahanlah man kalak si deban bagi ngena atendu ibahanna man bandu (Matius 7:12a).
Ogen : Kejadin 33:6-11.
Khotbah : Matius 7:1-20.
Tema : Persadan Jabu Ibas Keluarga Kristen.

LATAR BELAKANG
1. Ibas bahan khotbahnta lit piga-piga penekanen siitekanken Jesus eme gelah kalak sitek menghindari penghakiman nandangi kalak sideban (ula menghakimi). Sebab penghakiman eme hak prerogatif Tuhan labo hak manusia. Emaka ise simenghakimi kalak sideban ia pe dungna ihakimi Tuhan, janah ukuren siipake guna menghakimi, e ka me siipake Tuhan guna menghakimi kalak simenghakimi e. Tapi labo berarti kesalahan ras koreksi nandangi kalak sierbahan kesalahan la banci. Banci, tapi harus ka sisadari maka singoreksi/sinegur e pe lit ka nge salahna, siman koreksinna secara pribadi nandangi dirina sendiri. Bagepe uga menghindari kalak si la nggit ngaloken kerna simehuli ras singena ate Dibata. Jadi kalak si tek harus pentar kerna sie, sebab sia-sia me mereken simehuli singena ate Dibata nandangi kalak sila nggit jera ras la ngasup ngaloken kerna simehuli si la ngena ate Tuhan. Jadi kalak sibage harus ihindari.
2. Ibas pengajaren sideban itekanken Jesus eksistensi Tuhan. Tuhan e dem alu kebayaken ras dem keleng ate. Bagepe pentingna ertoto. Jadi kalak singakai kerna Tuhan maka ia ngasup ertoto man Tuhan. Idaramina ras itutukna pintu pusuh Tuhan jenari ipindona kai siibutuhkenna, emaka kalak sibage “berhasil” ibas kegeluhenna ras banci ia nggeluh, sebab ngena ate Tuhan man bana ras ipasu-pasu Tuhan ia, bagepe la kap sia-sia kalak sindarami Tuhan.
3. Bagepe iajarken Jesus kern sikap kalak sitek nandangi kalak sideban. Ibas erti kata adi enggo icidahken Tuhan simehulina ras enggo ipasu-pasu Tuhan kalak sindarami Ia, maka sewajarnalah kalak e ncidahken kekelengenna ras perbahanenNa simehuli man kalak sideban. Alu bage kalak pe erbahan simehuli man bana. Memang bagi simesera nge ndalanken simehuli, tapi ibalik sie lit kegeluhen ras pasu-pasu, emaka dalani ras lakokenlah kerna kebenaren ras perbahanen simehuli nandangi kalak sideban.
4. Bagepe iajarken Jesus kap uga kalak sitek harus waspada nandangi pengajaren sipapak, sebab adi la waspada maka kalak sitek ndabuh kubas pengajaren sipapak, si dung kalak sitek lanai nggeluh ibas keselamaten. Enda sada kata persinget Jesus sicukup “keras”. Kalak sitek harus ngakai pengajar-pengajar sipapak ras nabi-nabi palsu siberbahaya ras beluh ia ndarami mangsana.
5. Inti kerina enda gelah kalak sitek mengandalkan Tuhan , nggeluh ibas kebenaren ras tetap waspada ibas kegeluhenna, sebab isekelewetna lit si la erngena ate kerna kebenaren, janah atena kerina manusia nggeluh ibas kinilabenaren. Emaka situhuna guna meteh kerna papak ras la papak, kalak sitek pasti meteh arah buahna, sebab kata ras perbahanen harus seri. Jadi kata-kata simehuli lenga tentu teridah ibas perbahanen simehuli.

APLIKASI
Keluarga kristen nggeluh ibas masyarakat, tentuna sangat iharapken gelah keluarga kristen banci nggeluh “berdampingan”/nggeluh ras-ras. Ibas kegeluhen ras-ras enda, keluarga kristen harus nggeluh mehuli ras keluarga sideban. Sebab adi la mehuli kegeluhenta i tengah-tengah masyarakat termasuk ibas bergereja, maka kalak sideban pasti nembeh atena man keluarganta. Tuhu nggeluh i tengah-tengah masyarakat sigenduari la bo gampang, tapi amin bage gia kita selaku keluarga kristen harus pentar menempatkan diri, bicara lit pe siernemebh ata man banta gelah la kita seri ras doni enda; Sebab harus ka sisadari ibas kita enggo jadi keluarga kristen, lit penilaian kalak man banta, ija keluarga kristen eme keluarga simehuli sebab kita enda ipasu-pasu Tuhan. Erkiteken sie me, ibas kita bersosialisasi i tengah-tengah masyarakat ras gereja kita harus ncidahken maka kita enda enggo ngaloken perkuah ate Tuhan, emaka kita harus ngelakoken perbahanen simehuli eme kekelengen. Janah adi lit salahnta nggitlah kita mindo maaf man kalak, bagepe ula min kita erbahan penghakiman man kalak, sebab e erbahanca la ngena ate kalak man banta. Tapi marilah kita tetap nggeluh ibas persadan simehuli ras keluarga-keluarga sideban.

Pdt. Steven Kumenit, STh,M.Min.

Tidak ada komentar:

Poskan Komentar