Erdahinlah (Pengkhotbah 9:10-12)

KHOTBAH TANGGAL 5 JUNI 2016.

GEREJA GBKP

Invocatio :    Erdahinlah maka kam nggeluh, adi ngeranai janah kundul-kundul saja ngenca, musil me kam (Kuan-Kuanen 14:23).

Ogen        :    Matius 21:28-32 (Tunggal).

Khotbah   :    Pengerana 9:10-12 (Tunggal).

Tema        :    Erdahinlah.

LATAR BELAKANG

1.      Tema umum kitap pengerana eme kesia – sian. Enda ibas pengalaman raja Salomo nari, sebab enda idahna ibas kegeluhen manusia tep-tep wari. Erkiteken si e me nina kohelet, simanfaatkan alu mehuli kerna kegeluhen e. Ibas arti kata, adi manusia nggeluh denga maka arus ipakena kegeluhen e alu mehuli, sebab adi manusia nggo mate la banci erkai pe.  Amin gia arus simanfaatkan alu mehuli kegeluhen manusia, tapi tetap denga nina kohelet, kegeluhen enda tetap mengalir pada alurannya, sebab Dibata singaturken kegeluhen manusia. Jadi amin gia nggeluh manusia sia-sia, tapi ulin kegeluhen asangkan kematen.

2.      Lit sada perbedaan siidah kohelet kerna manusia eme adi manusia nggo mate maka manusia e lanai ngasup erkai pe, beda ras manusia singgeluh denga, ia banci ngelakoken kai pe. Tapi ibas nggeluh denga, manusia arus manfaat kegeluhen e guna erdahin. Sebab nggeluh banci berkembang ibas erdahin. Sebab ibas manusia erdahin maka manusia banci ngangkai kerna kegeluhenna ibas doni enda terbatas, emaka erdahin ia guna kemulian Tuhan.

3.      Amin gia lit sipatna kegeluhen manusia, tapi labo berarti kegeluhen manusia nggeluh alu apatis (masa bodoh). Sebab uga pa pe hebatna geluh manusia, sada paksa mate ia. Memang sada paksa manusia mate, tapi adi kita nggeluh denga, manusia arus nggeluh alu ngataken bujur, sebab adi nggeluh denga kita, berarti lit denga arapan guna erdahin ncukupken keperlun nggeluh. Emaka nina kohelet dahikenlah dahinndu asa gegehndu. Sebab kalak singgeluh denga sibanci erdahin.

4.      Dahikenlah dahinndu asa gegehndu, ngataken maka kai singgo jadi tanggungjawabta, arus sidahiken alu tutus. Sebab enda merupakan kesempatan siibereken Tuhan man manusia guna ndatken hasil. Alu bage manusia banci ngenanami hasil ibas pendahinna e.

5.      Ibas pandangan umum, iakui doni enda maka gegeh, kepentaran ras pemeteh sirusur menang ntah pe berhasil. Tapi ibas kinatana lit ka kalak siberhasil ras menang la erpalaskan gegeh, kepentaran ras pemeteh, tapi erkiteken beluh ia muat kesempatan. Kegeluhen sibagenda nina Eka Darmaputra, kalak sipintar menjilat ntah menindas kalak sideban. Alu bage kegeluhen manusia i luar kontrol manusia sendiri. Sebab sada paksa kita banci berhasil tapi sada paksa kita banci ndatken kegegalan.

APLIKASI

            Yohanes Calvin ngatakenca, erdahin eme kap ibadah. Ertina, ibadah la bo hanya siberkaiten ras rende muji Tuhan, ertoto, ngikuti kebaktin-kebaktin bas gereja, tapi pe kerina kegeluhenta, termasuk erdahin. Alu bage ibas kita erdahin sipaling penting man banta eme erdahin alu meriah ukur ras dem pengatakan bujur.

            Ngangkai kerna etika erdahin : 1). Perseruhen Tuhan man banta (band. Kejadin 2:15; Matius 21:28-32). Jadi erdahin eme ngaloken persuruhen Tuhan, bagepe tanda kepatuhanta man baNa. 2). Erdahin eme ibadah ras anugerah siibereken Dibata man banta, ras ngatakan bujur man Tuhan. Janah ncidahkan kita enda Imago Dei. Perlu siinget seh genduari Tuhan tetap erdahin. Emaka kita pe arus tetap erdahin (band. Yohanes 5:17). 3). Ibas kita erdahin maka kita banci mengaktualisasikan diri (berkarya rikutken peraten Tuhan, janah arah kita erdahin maka kita mpermuliakan Tuhan. 4). Ibas kita erdahin banci kita ncukupi keperlunta, sebab enda pasu-pasu Tuhan. Emaka perlu kita ngaturken kerna ulih dahinta. Emaka ula  kita similih-milih dahin, ras ula jungut-jungut kita erdahin, tapi adi nggo lit dahinta tutus kita erdahin, janah ibas kita erdahin, ula silakoken si la mehuli si la ngena ate Tuhan. Bagepe ibas kita erdahin sitehlah kerna potensi dirinta. Tuhu ibas kita erdahin, kita banci dat upah i je nari, tapi mari siperdiateken kerna dirinta ka. Lit waktu erdahin, ras lit ka waktu istirahat.

            Ibas paksa sigenduari alu litna MEA (Masyarakat Ekonomi Asean), tentuna siibutuhkan man banta eme kualitas ras semangat erdahin, etos kerja. Emaka penting man banta kerna ngangkai kerna dahinta. Adi la lit si bage maka itadingken kalak kita, sebab pekerja ibas luar negeri nggo masuk ibas negaranta. Emaka genduari kita nggo ibas kompetisi erdahin. Tapi jadi persinget man banta ula sipake gegeh ras kepentaranta, tapi mari siandalkan Tuhan (band. Kuan-Kuanan 10:22). Bagepe mari siangkai dahinta ras sikelengi dahinta, gelah tutus kita erdahin.

            Jadi ibas khotbahta, kita ipersinget gelah kita arus mejingkat erdahin gelah kita banci nggeluh (band. Kuan-Kuanen 6:6, 14:23). Siimaksudkan nggeluh, la saja jasmani siterpenuhi, tapi pe kegeluhen pertendin terpenuhi, eme keselamatan. Bagepe ibas kita erdahin kita banci muat bagin ibas pelayanan gereja. Janah enda kerina butuh proses. Emaka ula kita putus asa ibas kita erdahin termasuk, dahin ibas juma, amin gia pernah gagal, tapi ula kita putus asa, tetaplah kita ertoto gelah Dibata tetap masu-masu pendahinta. Bagepe siarus iperdiateken ibas kegeluhenta gelah kita la stres eme :

1. Nilai sikap : Terimalah segala situasi apapun itu.

2. Nilai pengalaman : megermet kita. Apa yang bisa kita ambil dari hidup kita dan orang lain.

3. Nilai Karya : Apa yang harus kita berikan ibas kegeluhenta, subuk dirinta bagepe guna    

    kalak sideban.

            Adi la kita erdahin maka mate me kita. Ibas erti kata la kita patuh man Tuhan. Bagepe la dat pangan ibas rumah. Emaka kalak si la erdahin, banci saja siidahikenna eme si la mehuli ras si la ngena ate Tuhan, emaka banci saja nggeluh pinakit-pinakit masyarakat i je.

           

Pdt. Steven Kumenit, STh.M.Min.