Senin, 09 Mei 2011

IsalihkenNa Ceda Ate Jadi Keriahen (Yohanes 16:16-20).

BAHAN KHOTBAH KHOTBAH MINGGU 15 MEI 2011
GEREJA GBKP
=========================================
Introitus : Bahan maka kalak si merdang dingenna tangis, banci rani alu
ersurak (Mazmur 126:5)
Ogen : Mazmur 66:1-7.
Khotbah : Yohanes 16:16-20.
Tema : IsalihkenNa Ceda Ate Jadi Keriahen.

LATAR BELAKANG
1. Sijadi bahan khotbahnta enda (Yohanes 16:16-20) eme sada percakapan antara Yesus ras ajar-ajarNa kenca dung man ras-ras, bagepr ope denga wari paskah kalak Yahudi. Kejadin enda jadi ope denga Yesus mate. Ibas percakapan Yesus ije lit sada hal sipebetehkenNa kerna kai si bakal inanami ajar-ajar Yesus ibas doni enda.
2. Ibas percakapan Yesus ras ajar-ajarNa, lit sada hal sikurang iangkai ajar-ajar eme kerna "Kentisik nari lanai Aku idahndu, jenari kentisik nari ka idahndu ka me Aku”. Erkiteken sie me nungkun sapih-sapih ajar-ajar e, kai maksud Yesus e, alu sada pengarapen lit min sada jababan arah ia, tapi la ka bo datna sada jababan si pasti. Amin gia la isungkun ajar-ajar Yesus kerna maksud e man Yesus, tapi iteh Yesus maksud ajar-ajarNa e, emaka iterangken Yesus kerna maksud perkataanNa e.
3. Memang teridah Yesus la njawab penungkunen e secara langsung tapi justru ituriken Yesus kerna ertina ceda ate salih jadi keriahen. Memang adi sipegermetken maka, kai siikataken Yesus e lit maknana, eme tuhu erkiteken doni enda la ngaloken Yesus, Yesus itulak doni enda emaka Yesus harus mate, emaka ceda kal ate ajar-ajar kerna sie, Janah bangsa doni enda ermeriah ukur, akapna ia nggo jadi pemenang. Tapi ibas sada paksa (ibas wari si peteluken kenca Yesus mate), Yesus keke ibas si mate nari, janah enda mereken sada pengarapen man ajar-ajar kerna ise kin situhuna Yesus. La saja mereken sada pengharapen, tapi pe mereken sada keriahen man ajar-ajar. Enda erkiteken kai ? erkiteken kuasa dosa ras kuasa iblis enggo italuken Yesus. Alu bage, perkataan Yesus e mengandung pengertin kematen ra kekeken Yesus ibas si mate nari.
4. Kematen Yesus labo merupaken kemenangen doni enda, tapi kematen Yesus merupaken sada dalan siidalani Yesus guna nelamatken kerina jelma, emaka lit me kekeken.
5. Perkataan Yesus enda gelah ajar-ajar banci ngangkai kerna sienda kerina alu bage, ibas paksana kari, ija Yesus harus mate maka terjadi me suasana si bagenda rupana. Janah maksud enda kerina gelah ajar-ajar tek kerna Yesus reh ibas Dibata nari. Persoalen enda me situhuna si terjadi paksa zaman Yohanes. Jadi ibas bahan khotbahnta enda, la saja Yesus nerangken kerna kematen ras kekekenNa, tapi pe Yohanes nerangken kerna ise kin Yesus man “pembacana”, sebab lit paksa sie, sada aliren siberkembang eme gnostik si meraguken kerna kematen ras kekeken Yesus. Alu nerangken sienda ate, Yohanes ngataken kami enda me saksina.

APLIKASI
Nina Wiliam Manson dari Edinburgh : Satu-satunya Allah yang dikenal dalam Perjanjian Baru adalah Allah Kebangkitan. Kebangkitan Kristus adalah poros berlian tempat berputarnya kebenaran kristiani. Jika persukutan para murid dengan Guru berakhir pada kayu salib, maka Injil merupakan satu omong kosong belaka dan iman kita adalah sekam yang hampa. Tapi siterjadi eme Yesus Keke ibas si mate nari, janah enda me simereken pengharapen ras keriahen man banta. Tapi memang sisadari amin gia Yesus enggo menang ngelawan kuasa setan tapi siterjadi iblis tetap denga erdahin ibas doni enda guna naluken ras nirangken persadanta ras Yesus Kristus. Erbage-bage cara siibahan iblis gelah kita sirang ras Tuhan. Tapi teklah kita ibas ejarah keselamatan manusia, Dibata tetap erdahin guna kita, sebab ate Dibata gelah kita tetap nggeluh ibas keselamaten. Ate Dibata ibas kerina kata ras perbahanennta teridah min kita enda nggeluh ibas keriahen Paskah. Tuhu sada paksa kita umpa perbeben ras kiniseran, tapi ula min perbeben ras kiniseran e erbahanca kita sirang ras Tuhan, tapi jadikenlah perbeben ras kiniseran e erbanca kita reh gegehna ncidahken persadanta ras Tuhan.
Tuhu kita enggo nggeluh ibas kemerdekaan ras keselamatan, tapi labo berarti kegeluhenta ibas doni lanai lit tantangan, lit nge. Tantangan-tantangan e banci berupa ekonomi, jabatan, kinilaersadan, pinidasan, la lit kekelengen, penolaken doni enda erkiteken kita kalak kristen, ras ceda ate. Kerina enda nggeluh ibas doni enda. Janah adi kita khusus ngerana kerna ceda ate labo saja terjeng kematen, tapi pe ibas erbage-bage hal si menyangkut kesedihan hati ras kesusahan hati. Memang tuhu sada paksa kita pasti nge nanami kerna sienda, tapi jaminan Tuhan man kalak sierceda ate eme iberekenNa pengapul (Matius 5:3). Ibas pengapul enda lit telu makna, eme 1). Sangana kita erceda ate, reh Dibata ngapuli kita alu erbage-bage cara, apakah perpulungen ntah Ia sendiri. 2). Kesah si Badia ngapuli alu erbage-bage cara, sebab e me fungsi Kesah Si Badia mereken pengapul man banta. (Kesah Si Badia = Parakletos). 3). Litna makna eskatologis, ija ibas paksana kita ndatken kegeluhen ras Dibata, sebab kalak si tetap setia man Tuhan nggeluh me ras Tuhan i Surga. Perbahanan Tuhan sibagenda man banta, erkiteken la ate Dibata ngenen kita nggeluh ibas ceda ate, sebab kalak singgeluh ibas ceda ate si cukup mberat banci ndabuh kubas dosa, emaka Tuhan singgeluh tetap mpegegehi kita ras ngapuli kita. Sipenting man banta kita harus tek man Tuhan. Sebab Tuhan siisembah kita ngasup naluken erbage-bage perbeben ras kiniseran si lit bas kegeluhenta, emaka erpengendeslah kita man Tuhan Dibata.

Pdt. Steven Kumenit, STh.,M.Min.

Tidak ada komentar:

Posting Komentar