Tutus Ibas Erkiniteken Man Dibata Seh Ku Ujung Umur Geluhta (Setia Sampai Akhir).- 2 Timotius 4:6-8.

BAHAN PJJ GEREJA GBKP

TANGGAL 25 NOVEMBER – 1 DESEMBER 2012.

2 Timotius 4:6-8.

Tema   :    Tutus Ibas Erkiniteken Man Dibata Seh Ku Ujung Umur Geluhta (Setia Sampai Akhir).

LATAR BELAKANG

1.      Secara umum banci sikataken kitab 2 Timotius eme surat siikirimken rasul Paulus ibas penjara nari man Timotius sisipatna “pastoral”. Lit telu kitab sitergolong surat-surat “pastoral, eme sada, dua Timotius ras Titus.  Ibas telu kitab “pastoral enda, amin gia secara umum seri, tapi situhuna adi siperdiateken maka pelain-lain penekananna. Khusus 2 Timotius penekananna eme mpegegehi, ngelayasi bagepe mereken motivasi man Timotius simerupaken anak kekelengen Paulus  ibas kininiteken si sangana ngelai i tengah-tengah perpulungen Epesus, si sangana ngenanami kiniseran erkiteke-kiteken erbage-bage hal sireh man Timotius ibas pelayanenna.

2.      Khusus sijadi oratenta eme uga Paulus nggejapkenken maka kegeluhenna i tengah-tengah doni enda lanai ndekah. Janah sada penggejapen Paulus kern kematenna sienggo reh ndeherna eme sada bentuk persembahen. Cuba sibandingken ras Alkitab bahasa Indonesia pasal 4:6, i je ikataken “darahku sudah mulai dicurahkan” .  Ibas hal enda harus sinen kerna latar belakang persembahen bas padan sindekah, khususna ibas kitab Taurat. Makna persembahen ntah pe darahku sudah mulai ipersembahkan, lit sada pengertin eme ibas rangka ialoken Tuhan. Ipihak sideban, khususna makna icurahkan eme sada bentuk pengabdian, sebab kurban curahen enda ipake guna “dituangkan i kaki mezbah”. Kurban curahan  la bo lit nilai penebusan, tapi merupaken sada kurban pelengkap nandangi kurban sideban (band. Kel. 29:40, 41; Imamat 23:13; Bil. 15:5,6). Jadi pengertin nggo seh paksana ipersembahken eme ibas rangka pengabdian.

3.      Kiniteken man Tuhan merupaken sada pemere, janah enda harus ipertahenken, seh ku ujung geluh. Janah  Paulus ngasup  mpertahankenca alu kemenangen, erkiteken sie me ikatakenna nggo sikap pemere nandangi kalak simenang eme rudang-rudang kebenaren siibereken Tuhan.

4.      Paulus gambarken ia sangana erlumba ras kalak sideban eme pengajaren-pengajaren sipapak ibas pengajaren Yudaisme singajarken keselamaten sisempurna adi ndalanken hukum taurat, bagepe pangajaren Gnostik, singataken keselamaten banci dat arah pemeteh. Bagepe mpertahenken kiniteken ibas perbeben ras kiniseran nari.

5.      Pemere ibas Dibata nari eme rudang-rudang kebenaren ibereken nandangi kerina kalak singasup erlumba ras menang ibas kiniteken. Janah pemere Dibata e ibereken paksa kerehen Yesus Kristus peduakaliken. Jadi Paulus ngerana soal eskatologis (keselamaten yang akan datang). Bagepe mereken sada motivasi man Timotius gelah tetap erdahin ibas pelayanen amin gia jumpa perbeben ras kiniseran, sebab kalak sisetia ndatken pemere ibas Dibata nari.

APLIKASI

            Erkiniteken man Tuhan banci jadi  rusur dat tantangan. Tantangen enda reh ibas erbage-bage bentuk, apakah arah perbeben ras kiniseran, ntah pe arah tawaran-tawaran doni enda nari. Ije me kinitekenta  iuji, apakah banci bertahan ntah lang.

            Khusus ibas minggu enda kita ngerana kerna Natal. Bagi siteh Natal eme wari ketubuhen Tuhanta Yesus Kristus. Ibas rangka sie kerina gereja ngerayaken Natal ibas bulan Desember, amin gia situhuna Natal tanggal 25 Desember, tapi bagi semalna lit perayaan-perayaan natal siibahan ope denga tanggal 25 Desember. Adi siertiken engkai maka kita ngerayaken Natal, tentuna ibas rangka ngataken bujur man Tuhan sebab Yesus Kristus si tubuh i Betlehem merupaken sada tanda maka Tuhan bersolider ras kita, bagepe erkiteken Yesus nge maka kita nggeluh ibas keselamaten. Persoalen sirusur terjadi,  erkiteken ngerayaken natal,  kita jadi erdosa. Engkai ? sebab kita ngerayaken Natal terjeng formalitas seremonial denga. Sipenting kita nggo ngerayaken Natal. Kita lenga ngerayaken Natal situhu-tuhu, eme arah pusuh ras dem pengataken bujur.

            Natal sirayaken kita ula min erguna man banta saja, tapi pe erguna man kalak sideban. Emaka adi ateta erguna man kalak sideban, harus lit man banta nggeluh bersolider.

Pdt. Steven Kumenit, STh, M.Min.     

Mejehe Ateku Kam O Dibatangku (Mazmur 42:2-3)

BAHAN PJJ GEREJA GBKP

TANGGAL 18-24 NOVEMBER 2012.

Mazmur 42:2-3.

Tema : Mejehe Ateku Kam O Dibatangku

LATAR BELAKANG

1.      Sijadi oratenta sendah eme sada bagin ibas pasal 42, janah merupaken sada perngandungen ibas pemazmur nari. Jadi penungkunen engkai maka bage ? Sebab tedeh atena Tuhan, bagepe pemazmur sangana “iejek” kalak, tapi pemazmur erpengakap masalahna banci terdungi adi jumpa ia ras Tuhan. Enda me sada pertoton pengarapen pemazmur siiendeken bani korah nari. Bani Korah eme sada kelompok ibas kaum Lewi nari. Perlu siinget Terpuk Lewi eme siitugasken Dibata khusus ngelai Tuhan ibas rumah pertoton.

2.      Ibas ketertekanan jiwa erkiteken pemazmur “iejek” kalak (kalak kafir), sebab pemazmur tading isekelewet kalak kafir, iinget pemazmur sibanci mereken kemalemen ate adi ia reh ibas rumah pertoton. Rumah pertoton lit i Yerusalem, i gunung Sion. Rumah pertoton la saja ingan ersembah ras muji Tuhan, tapi pe i je Tuhan ringan. Rumah pertoton eme rumah Tuhan. Jadi ibas pemazmur reh ku rumah pertoton, maka pemazmur banci jumpa ras Tuhan.

3.      Ketedehen ate pemazmur jumpa ras Tuhan ibas rumah pertoton, igambarkenna bagi belkih mejehe nandangi lau. Belkih sisangana mengembara i uruk-uruk si la lit dukut-dukutna ras lau i je. “Kelegaan”, gegeh bagepe kegeluhen seekor belkih banci lit adi jumpa ia ras lau maler. Bageme pemazmur erpengakap maka kegeluhenna tergantung man Tuhan saja.

4.      Ipihak sideban ketedehen ate man Dibata, bagepe mbuktiken maka Tuhan e lit adi pemazmur reh ku rumah pertoton. Janah enda jadi sada penungkunen man pemazmur sendiri kerna banci kin ia reh ku rumah pertoton jumpa ras Dibata.

5.      Pemazmur ndauh ibas kota Yerusalem nari simerupaken ingan rumah pertoton, emaka tempa ndauh ibas keterasingken, nggeluh radu ras bangsa si la nandai Dibata, tapi kiniteken pemazmur la mobah. Pemazmur tetap mengandalkan Tuhan ibas kegeluhenna ras ketedehen ate banci reh ku bas rumah Tuhan. Sebab pemazmur nggejapken kegeluhenna lit ibas ketergantungen man Tuhan saja.

APLIKASI

            Selaku kalak sierkiniteken man Tuhan tedeh ate nandangi Tuhan merupaken sada keharusan, sebab tedeh ate nandangi Tuhan sada tanda maka kita enda nggeluh ibas ketergantungen man Tuhan. Janah ketedehen ate nandangi Tuhan banci teridah ras tergejapken arah hubungenta ras Tuhan. Ibas erti kata, erkiteken la ateta sirang ras Tuhan maka ibas kegeluhenta tep-tep wari kegeluhenta tuhu-tuhu berkenan man baNa saja. Kegeluhenta reh ku perpulungen/kebaktin minggu, bage nggeluh ibas kebaktin pribadi/keluarga.

            Ketedehen ateta nandangi Tuhan merupaken sada pasu-pasu tersendiri man banta, sebab sie banci saja la lit man kalak sideban. Tedeh ateta man Tuhan, sebab tek kita Tuhan ngenca ampang-ampang geluhta ras kegeluhenta lit bas tanna. Pasu-pasu Tuhan kap  sierbahanca

Kegeluhenta nggeluh ibas kemalemen ate. Amin gia situhuna i tengah-tengah doni enda melala tantangan si mengahalangi kita nggeluh ras Tuhan, tapi pusuhta tetap ertedeh ate nandangi Tuhan.

            Tuhu melala sibanci ibereken doni enda man banta, tapi e kerina la mbaba kemalemen ate situhu-tuhu man banta. Bagepe melala dibata-dibata ibas doni enda simereken tawaran-tawaran gelah kita banci nggeluh ibas kemalemen ate, Tapi e kerina kemalamen ate la tuhu-tuhu. Dibata ngenca sibanci mereken kemalemen ate situhu-tuhu man banta. Emaka mejehe min pusuhta nandangi Tuhan.

            Ibas minggu-minggu Adven enda, merupaken minggu-minggu nimai kerehen Yesus (Natal). Bagepe ibas pihak sideban, kita isingetken ibas mingu-minggu nimai kerehen Yesus Kristus peduakaliken. Tentuna ibas minggu Adven enda mejehe min ateta nandangi kerehen Yesus, emaka sabar ras megenggeng kita ibas pengarapen kerna kerehen Yesus e. Ibas mejehe kita nandangi Dibatanta, sibahanlah simehuli singena ateNa janah tetaplah sijaga  kebadiaan geluhta.

Pdt. Steven Kumenit, STh, M.Min.

Dibata Nggo Nikapken Ingan Si Mehuli Man Kalak Si Tek Man BaNa (Heber 11:1-3; 6-16).

BAHAN PJJ GEREJA GBKP

TANGGAL 11-17 NOVEMBER 2012.

Heber 11:1-3; 6-16.

Tema   :    Dibata Nggo Nikapken Ingan Si Mehuli Man Kalak Si Tek Man BaNa.

LATAR BELAKANG.

1.      Secara umum banci sikataken surat Heber enda ialamatken man kalak Jahudi sienggo jadi Kristen, sipaksa sie ngenanami kiniseran, janah ia enggo rukur mulihi ras erpengakap maka agama Yahudi ndauh ulin asangken enggo  jadi kalak kristen.

2.      Ibas situasi sibagenda me penulis Heber mereken pergegeh man kalak kristen asal Yahudi, khususna uga erkiniteken man Dibata, bagepe  gelah ula  sia-sia kalak sierkiniteken man Tuhan. Erkiteken sie me penulis ncidahken man piga-piga kalak situtus ibas erkiniteken man Tuhan, janah kerina jelma siikataken penulis enda tuhu-tuhu itandai perpulungen.

3.      Penulis alu tegas nekanken kerna inti erkiniteken. Inti erkiniteken eme nggeluh ibas pengarapen nandangi kai si la idah, ras kalak si tutus nggeluh ibas pengarapen erkiteken kinitekenna man Tuhan ndatken pasu-pasu ibas Dibata nari. Enda me siilakoken para tokoh ibas padan sindekah. Enda itekanken gelah kalak kristen banci meteh kiniteken para tokoh ibas padan sindekah, bali nge kiniteken ibas kalak “si genduari”.

4.      Kiniteken siimaksudken penulis man kalak kristen Yahudi eme labo patuh nandangi kerina peraturan keagamaan, ntah ngikuti kerina ajaren agama tapi tek nandangi Dibata amin gia Dibata e la iidah. Ibas tutus erkiniteken man Dibata maka Dibata “berkenan” man kalak kristen. Enda nggo lit contohna eme nini-nini bangsa Yahudi, emaka kalak si tutus ras tetap erpengarapen man Dibata saja nggeluh kap ras Dibata, ntah pe jadi bagin ibas bangsa Dibata nari.

5.      Arah enda situhuna ngataken man kalak Kristen maka lit situhuna ingan siisikapken Dibata nandangi kalak si tek man baNa ras tetap erpengarapen man baNa. Enda janji Tuhan man kalak si tek. Jadi alu pengarapen me maka kalak Kristen asal Yahudi tetap erpengarapen sebab amin gia sada paksa ia mate, maka nggo lit ingan sienggo isikapken Tuhan sijadi sekerajangen kalak si tek.

APLIKASI

            Janji man kalak si tek guna nggeluh ibas surga tetap berlaku man banta. Emaka siniharapken Dibata man banta eme nggeluh ibas pengarapen man baNa saja. Janah siinget senina turangta singgo leben idilo Dibata, labo berarti nggo dung sekerajangenna. Tapi ibas kerehen Yesus Kristus sipeduakaliken reh me Ia pagi guna ngeranaken singgeluh ras si nggo mate. Alu bage subuk kalak si nggo mate bage singgeluh denga idilo Tuhan guna bengket ku bas kinirajaanNa. Emaka situhuna kita selaku kalak si tek ras tetap erkiniteken man Tuhan pasti nggeluh ibas Tuhan i Surga.

            Erkiniteken man Tuhan berarti kita harus nggeluh ibas erpengarapen man Tuhan saja, amin gia ibas kegeluhenta jumpa si la bagi ukurta. Sebab tek kita ibas kita erkiteken man Tuhan, maka ipasu-pasu Tuhan me kita.

Pdt. Steven Kumenit, STh, M.Min.

Dibata Nggo Nikapken Ingan Si Mehuli Man Kalak Si Tek Man BaNa (Heber 11:1-3; 6-16).

BAHAN PJJ GEREJA GBKP

TANGGAL 11-17 NOVEMBER 2012.

Heber 11:1-3; 6-16.

Tema   :    Dibata Nggo Nikapken Ingan Si Mehuli Man Kalak Si Tek Man BaNa.

LATAR BELAKANG.

1.      Secara umum banci sikataken surat Heber enda ialamatken man kalak Jahudi sienggo jadi Kristen, sipaksa sie ngenanami kiniseran, janah ia enggo rukur mulihi ras erpengakap maka agama Yahudi ndauh ulin asangken enggo  jadi kalak kristen.

2.      Ibas situasi sibagenda me penulis Heber mereken pergegeh man kalak kristen asal Yahudi, khususna uga erkiniteken man Dibata, bagepe  gelah ula  sia-sia kalak sierkiniteken man Tuhan. Erkiteken sie me penulis ncidahken man piga-piga kalak situtus ibas erkiniteken man Tuhan, janah kerina jelma siikataken penulis enda tuhu-tuhu itandai perpulungen.

3.      Penulis alu tegas nekanken kerna inti erkiniteken. Inti erkiniteken eme nggeluh ibas pengarapen nandangi kai si la idah, ras kalak si tutus nggeluh ibas pengarapen erkiteken kinitekenna man Tuhan ndatken pasu-pasu ibas Dibata nari. Enda me siilakoken para tokoh ibas padan sindekah. Enda itekanken gelah kalak kristen banci meteh kiniteken para tokoh ibas padan sindekah, bali nge kiniteken ibas kalak “si genduari”.

4.      Kiniteken siimaksudken penulis man kalak kristen Yahudi eme labo patuh nandangi kerina peraturan keagamaan, ntah ngikuti kerina ajaren agama tapi tek nandangi Dibata amin gia Dibata e la iidah. Ibas tutus erkiniteken man Dibata maka Dibata “berkenan” man kalak kristen. Enda nggo lit contohna eme nini-nini bangsa Yahudi, emaka kalak si tutus ras tetap erpengarapen man Dibata saja nggeluh kap ras Dibata, ntah pe jadi bagin ibas bangsa Dibata nari.

5.      Arah enda situhuna ngataken man kalak Kristen maka lit situhuna ingan siisikapken Dibata nandangi kalak si tek man baNa ras tetap erpengarapen man baNa. Enda janji Tuhan man kalak si tek. Jadi alu pengarapen me maka kalak Kristen asal Yahudi tetap erpengarapen sebab amin gia sada paksa ia mate, maka nggo lit ingan sienggo isikapken Tuhan sijadi sekerajangen kalak si tek.

APLIKASI

            Janji man kalak si tek guna nggeluh ibas surga tetap berlaku man banta. Emaka siniharapken Dibata man banta eme nggeluh ibas pengarapen man baNa saja. Janah siinget senina turangta singgo leben idilo Dibata, labo berarti nggo dung sekerajangenna. Tapi ibas kerehen Yesus Kristus sipeduakaliken reh me Ia pagi guna ngeranaken singgeluh ras si nggo mate. Alu bage subuk kalak si nggo mate bage singgeluh denga idilo Tuhan guna bengket ku bas kinirajaanNa. Emaka situhuna kita selaku kalak si tek ras tetap erkiniteken man Tuhan pasti nggeluh ibas Tuhan i Surga.

            Erkiniteken man Tuhan berarti kita harus nggeluh ibas erpengarapen man Tuhan saja, amin gia ibas kegeluhenta jumpa si la bagi ukurta. Sebab tek kita ibas kita erkiteken man Tuhan, maka ipasu-pasu Tuhan me kita.

Pdt. Steven Kumenit, STh, M.Min.