Perkunjungan Rumah Tangga (Matius 18:15-20)

PERPULUNGEN JABU-JABU

GEREKA GBKP

TANGGAL 1 – 7 FEBUARI 2015.

Matius 18 : 15 – 20

Tema : Perkunjungan Rumah Tangga.

 

LATAR BELAKANG

1.      Sijadi bahan oratenta sendah eme sada pengajaren Yesus man ajar-ajarNa kerna perbahanan kalak si tek nandangi kalak perdosa. Kalak sitek la banci mpediat kalak si nggo erdosa, tapi lit perbahanan siharus ilakokenna eme mpersingetisagelah kalak perdosa e banci jera. Emaka perbahanan siharus ilakoken kalak si tek eme tegor alu empat mata, tapi adi la begikenna, baba sekalak ntah dua kalak nari  guna mpersingetisa. Fungsi sada ntah dua kalak e me gelah jadi saksi. Adi pe la begina maka persoalan enda harus ibaba ku lebe-lebe perpulungen. Adi enda enda pe la begikenna, maka kalak perdosa e ianggap bagi kalak perbegu ntah kalak simuat cuke.

2.      Pengajaran Yesus man ajar-ajar, menekankan uga pentingna nggeluh ibas sada persadan si saling mperdiateken sada ras sidebanna. Bagepe nggeluh ibas sada persadan arus lit aturen main siharus ilakoken kerina kalak si tek man Yesus eme ikaten kekelengen. Jadi ibas palas kekelengen kalak si tek la banci mpediat temanna sada kiniteken e ndauh ras Tuhan, pala ia sendiri simuat keputusan lanai nggeluh ras Tuhan. Emaka kalak si lanai nggit nggeluh ibas persadan ras Tuhan, harus ianggap kalak berbegu, ntah pe kalak simuat cuke. Maksudna ibas sada komunitas kalak si tek (nen = umat Allah), kalak perbegu ras si muat cuke la ialoken, sebab ianggap perdosa.

3.      Kalak sitek harus mpersingeti kalak si nggo erdosa gelah jera, lit sada penekanan kalak sitek harus nggit ngaloken kalak perdosa singgo jera ibas sada perpulungen. Jadi lit pengalemi siilakoken kalak sitek nandangi kalak perdosa. Jadi bali ras uga Yesus ngalemi salah kalak, bage harusna siharus ilakoken kalak sitek.

4.      Ibas kalak si tek ngaloken mulihi kalak perdosa singgo jera, situhuna lit sada perbahanan aplikasi kerna kekelengen. Bagepe la ate kalak si tek, temanna e bene.

5.      Perbahanan manusia simehuli erpalasken kekelengen Tuhan nari, mbaba kalak sitek nggeluh ibas Surga.

 

APLIKASI

            Nggeluh ibas sada persadan berarti nggit nggeluh sisampat-sampaten ras sikeleng-kelengen. Ibas erti kata nggeluh ibas persadan berarti saling njaga ras saling mpersingeti sada ras sidebanna, gelah kalak sitek tetap nggeluh ibas persadan.

            Salah sada tanggungjawab kerina kalak sitek eme mengaplikasi kekelengen arah perkunjungan rumah tangga. Perkunjungan rumah tangga eme salah sada “senjata” gereja guna tetap njaga kegeluhen persadan.

            Masalahna genduari perkunjungan rumah tangga ilakoken gereja adi lit anggoat gereja bermasalah, apakah lanai aktif ibas perpulungen, bagepe anggota perpulungen nggo ndabuh ku bas perbahanen a susila, rsd. Padahal perkunjungan rumah tanggah harus ilakoken amin gia anggota perpulungen la lit masalah. Sebab ibas perkunungan keluarga kita banci ngerana-ngerana ras tetap njaga ikatan persadan.

            Bagepe harus siinget perkunjungan labo saja dahin serayan Tuhan, tapi dahin kerina kalak sitek. Emaka marilah kita ndahiken perkunjungan keluarga enda alu ukur meriah, ras erpalasken keleng ate Tuhan, gelah kita sapih-sapih perpulungen lebih akrab ras lebih meteh kerna kecibal kegeluhen anggota perpulungen, janah adi kune lit temanta silit masalahna pedas kita meteh permasalahan e, janah ras-ras kita notoken ia, gelah temanta e ndatken serpang pulah.

 

Pdt. Steven Kumenit, STh.M.Min.