Ibas Rani Icidahkan Kekelengen (Rut 2:1-9)

KHOTBAH TANGGAL12 JUNI 2016.

GEREJA GBKP

Invocatio   :    Kenca bage maka bahanlah Kerja Rani, guna pehaga TUHAN Dibatandu, alu maba persembahen ukur meriah man baNa. Buena rikutken pasu-pasu si iberekenNa man bandu (Ulangan 16:10).

Ogen         :    Keluaran 23 : 14-19 (Tunggal).

Khotbah    :    Rut 2:1-9 (Tunggal).

Tema         :    Ibas Rani Icidahkan Kekelengen.

LATAR BELAKANG

1.   Amin gia Rut tading i Betlehem, Yehuda (Israel), tapi situhuna ia labo penduduk asli Betlehem. Situhuna Rut penduduk asli bangsa Moab, tapi erkiteken Rut erjabu ras Mahlon anak Elimelek ras Naomi, ijadikenna dirina “kalak Israel”, emaka kenca perbulangenna mate nggit ia ikut ras bibina, Naomi mulih ku Betlehem. i Betlehem Rut tetap ngikuti agama ras budaya Israel.

2.     I Betlehem gelar Rut nggo terberita, la saja kerna ngikutken agama ras budaya Israel tapi kesetiaanna nandangi bibina, Naomi, emaka ngena ate kalak Betlehem man Rut.

3.      Amin gia ibas budaya Israel sekalak diberu balu-balu ndatken perhatin guna isampati, tapi situhu secara umum labo mehuli kal nggeluh sekalak diberu balu-balu, sebab sekalak diberu balu-balu  mesera kal akapna ncukupi keperlun geluhna, hakna pe la lit, emaka adi lit erta siitadingken perbulangenna ndube, maka erta e pe nusur ku anak dilaki, ntah adi la lit anak dilaki mulih ka ertana e ku senina perbulangenna. Emaka sekalak diberu balu-balu isaranken kal guna erjabu mulihi. Janah ibas budaya Israel banci nge senina ntah pe kade-kade perbulangenna sindeherna ngempoi ia. Em sebabna sanga ate Naomi mulih ku Betlehem ibas tanah Moab nari isuruhna Rut ras Orpa  mulihken ku kutana gelah banci ia erjabu mulihi sebab Naomi nggo metua ras labo nari mungkin ndatken sekalak anak dilaki, adi pe banci umurna pe nggo ndauh kal bedana, emaka labo mungkin erjabu ras orpa ntah pe Rut.

3.  Ikatan keluarga siterjadi antara Naomi ras Rut, erbahanca terjadi ikatan keleng ate. Emaka Rut nggit erdahin ibas rangka ncukupi keperlun keluarga, emaka lawes Rut erdahin i juma Boas, sebab tek ia lit siatena nampati ia (band. Rut 2:2b). Enda me tanggungjawab ras ncidahkan keleng ate Rut nandangi bibina si Naomi. Janah Boas pe eme sekalak kalak bayak simehuli ras meteruk ukur, emaka mehangke kerina kalak man bana, termasuk sierdahin ibas jumana.

4.   Rut sipepulung gandum sisa ras sindabuh i juma Boas, tentuna menarik perhatin Boas. Sebab ayo Rut lenga itandaina, tapi kerna karakter Rut tuhu-tuhu nggo terberita. Emaka isungkunna man mantur ise situhuna Rut, emaka ikatakan mantur ise situhuna Rut. Kenca itandai Boas si Rut, maka isuruhna gelah Rut tetap pepulung gandum i jumana. Janah Boas petetap ukur si Rut gelah Rut la mbiar sedekah i juma Boas.

5.   Kai siilakoken Boas nandangi Rut, merupakan perintah ibas kitab Musa (Taurat) nari. Enda idalankan Boas sebab Boas eme sekalak kalak bayak situtus ibas beragama. Ibas kitab Musa (Taurat) ikatakan ibas Imamat 19:9, 23:22, Ulangan 24:29. Ulangan 16:9.

APLIKASI

       Ibas kita, khususna GBKP lit piga-piga siiatur, termasuk persepuluhen ras kerja rani, rsd.

Jadi penungkunen, apakah enda seri bentukna. Lang. Persepuluhen eme sepersepuluh ibas kerina hasil. Tapi kerja rani eme pengataken bujur ibas kontek hasil juma, gelah Dibata pe tetap masu-masu tanah ras hasilna, gelah terbuen hasilna ibas tahun si reh. Tapi subuk persepuluhen, bagepe kerja rani bentukna eme mereken pengataken bujur,  kehamatan man Tuhan, bagepe kepatuhenta man Tuhan.

       Bentuk kerja rani eme sada perintah ibas rangka kebutuhenta subuk keluarga eme keutuhan jabu gelah kita tetap nggeluh sikeleng-kelengen, bagepe kiniteken, sebab ibas kita erbahan kerja rani ateta gelah Dibata tetap masu-masu kita.Bagepe ibas kita erbahan kerja rani guna kalak sideban. Emaka ibas kerja rani, kita iajarkan gelah ula kita ngukuri dirinta sendiri ngenca. Situhuna adi siperdiateken kerna kegeluhenta, maka kerja rani enda bali nge ras kerja tahun ibas budaya kalak Karo.

       Tema : Ibas Rani icidahken Kekelengen. Maksudna eme sipemena : Dibata ncidahkan kekelengenNa man banta kerina, sebab la ate Dibata, kita kerina nggeluh ibas kekurangan, emaka icukupina kebutuhen-kebutuhenta. Emaka ibas kerja rani, kita ngataken, enda kerina erkiteken pasu-pasu Tuhan. Sipeduaken : kepeken la banci kita ngukuri diri sendiri,emaka ibas kerja rani situhuna kita nggo mere Kenca bage maka bahanlah Kerja Rani, guna pehaga TUHAN Dibatandu, alu maba persembahen ukur meriah man baNa. Buena rikutken pasu-pasu si iberekenNa man banduken persembahan hasil juma, janah kegunaanna eme ibas rangka pelayanan gereja, termasuk i je diakonia eme pelayanan kekelengen. Apalagi adi seperdiateken kerna Tata Laksana GBKP pasal 1:4, ngatakenca sebagian besar program pelayanan iperuntukkan untuk pelayanan kasih. Tapi sipaling penting eme ibas kita erbahan kerja rani siingetlah maka Dibata ibas Yesus Kristus nggo mpersembahkan diriNa guna keselamatan kita. Emaka marilah sipake moment kerja rani ibas rangka nampati ras ncidahkan kekelengen man senina turangta, gelah ia pe ikut ngataken bujur man Tuhan.

Pdt. Steven Kumenit, STh.M.Min.