Nggeluh Ibas KataNdu (Mazmur 119:97-104)

PEKAN DOA

GEREJA GBKP

WARI IV,  RABU 24 SEPTEMBER 2014.

Introitus    :    KataNdu kap tendang man nahengku, nerangi dalan si kudalani (Mazmur 119:105).

Ogen         :    Markus 1:9.

Khotbah    :    Mazmur 119: 97-104.

Tema         :    Nggeluh Ibas KataNdu.

LATAR BELAKANG

1.   Secara umum pemazmur mereken sada pengertin simbages kerna erti kalak singgeluh ibas undang-undang Tuhan, sebab kalak singgeluh ibas undang-undang Tuhan ndatken kemalemen ate.

2.   Secara khusus pemazmur ngataken pengalamen pribadina ngikuti undang-undang Tuhan. Ibas ia ngkelengi ras ngukurisa undunga-undang Tuhan gedang-gedang wari, ulihna eme sipemena : Jadi pentar. kepentaren   pemazmur lebihen asangken musuh-musuhna, emaka ciga ate kalak man pemazmur. Sipeduaken : Ndatken pengertin. Pengertin simelebihi guru ras orang tua. Harus siteh, orang tua igolongken kalak penter, erkiteken pengalamenna. Tapi pemazmur ngataken, kepentaren sisejati idat alu mpelajari undang-undang Tuhan. Sipeteluken :  Perbahanen sijahat isilahkenna.

3.   Undang-undang Tuhan eme sada pengajaren simereken keselamaten man kerina jelma, sebab undang-undang Tuhan la ngajarken kerna kinilabenaren  tapi sebalikna iajarkenna ndalanken kebenaren situhu-tuhu. Jadi alu ngikuti undang-undang Tuhan maka pemazmur ndatken kepentaren. Janah kepentaren mbabai pemazmur nggeluh mehuli, subuk karakter pemazmur bagepe ibas berinteraksi i tenga-tengah masyarakat.

4.   Ibas pemazmur ngukurisa undang-undang Tuhan, maka terjadi pertumbuhen kiniteken, bagepe pertumbuhan pengangkan simehuli guna ggeluh ibas doni enda. Nggeluh ibas doni enda  harus tek man Tuhan. Janah guna ngangkai kerna sura-sura Tuhan la banci lang harus ngoge undang-undang Tuhan.

5.   Pemazmur mereken sada pengajaran man bangsa Israel eme ula ernalem man pemeteh tapi andalken undang-undang Tuhan, gelah ndatken kemalemen ate situhu-tuhu. Sebab undang-undang Tuhan eme ulu pemeteh e (band. Kuan-kuanen 1:7).

APLIKASI

            Adi kita ngerana kerna Kata Tuhan, maka lit 2 hal. Sipemena : Pustaka Si Badia. Pustaka Si Badia eme sumber kebenaren. Calvin sendiri ngataken Pustaka Si Badia satu-satunya sumber kebenaren. Sipeduaken : Yesus. Yesus eme Kata singgo nggo jadi manusia (Band. Yohanes 1: 14).

            Kata Tuhan  iajarken  labo terjeng konsumsi pemeteh saja, tapi guna keselamatenta, emaka kita isingetken nggeluhlah ibas Kata Tuhan. Kata Tuhan harus ioge ras iukuri gelah sidat ertina. Bagepe erkiteken Kata Tuhan merupaken sumber kebenaren ras keselamaten, maka alu siikuti/sidalanken Kata Tuhan , kita banci terhindar ibas erbage-bage bahaya si lit ibas doni enda. Bagepe kinitekenta ertumbah ras erbuah.

Pdt. Steven Kumenit, STh.M.Min.