KHOTBAH TANGGAL 11 OKTOBER 2015.
GEREJA GBKP
Invocatio
: Kam
si njadiken tep-tep bagin i bas badanku, ibentukNdu aku i bas bertin nandeku
(Mazmur 139:13).
Ogen
: 2 Korinti 12:11-12 (Tunggal)
Khotbah
: Kuan-Kuanen
31:28-30 (Responsoria).
Tema
: Moria Si Pentar.
LATAR
BELAKANG
1. Kata
ajar sekaligus kata pujin ras pengataken bujur man sekalak pernanden. Jadi
penungkunen ngkai maka anak-anak ngataken bujur ras perbulangen mujiken
pernandenna ? erkite-kiteken pendahin, kejingkaten bagepe perhatinna nandangi
jabuna (band. Ayat 12 – 27).
2.
Sijadi
oratenta sendah eme mpertentangken kerna kebodohen sekalak diberu/ndehara si
lit ibas ayat 1-9. Ibas oratenta uga pengamsal ncidahken kerna kepentaren
siirealisasiken ibas kegeluhen sinyata. Pengamsal ncidahken sekalak ndehara si
erkemalangen man Tuhan si nggeluh ibas kepentaren. Pengamsal ncidahken sekalak
ndehara sisempurna, sekalak ndehara silit pengendalian diri, kewaspadaan,
pengertin, melumbar mere ras lit bas ia kebujuren, janah tehna tanggung jababna
ibas jabuna. Enda kerina jadi erkiteken
lit kepentaren bas ndehara e, emaka nggeluh sekalak perbulangen tuhu-tuhu
nggeluh ibas kemalamen ate.
3.
Jadi,
Nande si pentar eme ngkelengi ras mperdiateken keluargana.
4.
Tapi
sekalak nande banci jadi pentar ras ngelakakoken simehuli erkiteken pernanden e
erkemalangan man Tuhan. Janah erkiteken ia erkemalangan man Tuhan maka ia patut
ndatken pujin.
5.
Ndehara
ijadiken Dibata radu ras dilaki, emaka tugas ndehara ras perbulangan seri
(band. Kej:1:27). Emaka keluarga nggeluh ibas kemalamen ate.
APLIKASI
·
Genduari
kita ngerana khusus kerna Moria. Enda mpertegas posisi pernanden ibas
kegeluhenna, khususna ibas jabu, gereja ras masyarakat.
·
Siiarapken
ibas keluarga eme anak ngataken bujur ras perbulangen mujiken ia erkiteken
peranan sekalak pernanden ibas jabu. Memang adi siidah peranan nande ibas jabu
kalak Karo, eme erdahin alu erbintuas nikapkan kebutuhan keluarga ras nggit
mpehagakan perbulangan ibas jelma sinterem. Tuhu-tuhu latih kal pernanden e.
·
Jadi
penungkunen man banta. Apakah sekalak pernanden dahinna ibas jabu saja ntah
uga.
Ibas
zaman genduari la bage. Tanggungjawab keluarga eme tanggungjawab bersama. Tapi
amin gia pernanden pe erdahin, tapi ula lupa tanggung jawaban sekalak pernanden
ibas jabuna, selaku nande ras perbulangen.
·
Penungkunen
sipeduaken, apakah anak ngataken bujur erkiteken nande erbintuas ndarami dana
untuk nekolahken anak ntah uga. Lang. Anak wajib ngataken bujur man nadena
erkiteken perjuangan nande maka anak banci nggeluh ibas doni enda.
·
Anak
ras perbulangan arus pe ngkelengi ndehara. Lit min penghargan keluarga nandangi
jabu. Ibas erti kata perbulangan pe arus ikut erdahin. Nggeluh
sisampat-sampaten. Adi perbulangan sekalak pemimpin maka tanggungjawab ndehara
nampati perbulangan, ula erkiteken ndehara, perbulangan la ihamati kalak.
·
Memang bahan khotbahta enda ncidahkan
kerna sekalak ndehara si pentar (ideal), tapi la bo berarti perbulangan menuntut ndeharana bage.
·
Arah khotbah enda kita sidilaki arus
mehamat man diberu/pernanden, termasuk nandangi diberu singgo mbalu. Bagepe la
lit ibas kita keluarga kristen mpraktekken KDRT (subuk kata, bagepe praktek
langsung). Sebab pengangkan diberu nggo itukur labo berarti sekalak perbulangan
banci rate-ate man pernanden. (termasuk ngaloken sekalak pendeta diberu ibas melayani
i bas runggun).
·
Ibas perbahanan simehuli ibas jabu, maka
keluarga sideban pe termotivasi ngikutken kegeluhen jabunta e.
Pdt.
Steven Kumenit, STh.M.Min.
Tidak ada komentar:
Posting Komentar