Pembarkenlah Berita Si Meriah (2 Timotius 4:1-5)

KHOTBAH TANGGAL 18 OKTOBER 2015.

GEREJA GBKP

Invocatio    :    Tapi kam, ntah kai gia jadi, ola bene ukurndu. Megenggenglah i bas ngenanami kiniseran. Dahikenlah dahin meritaken Berita Si Meriah e, janah dalankenlah tanggung jabapndu jadi suruh-suruhen Dibata (2 Timotius 4:5).

Ogen          :    Roma 1:1-7 (Tunggal).

Khotbah     :    2 Timotius 4:1-5 (Anthiponal).

Tema          :    Pembarkenlah Berita Si Meriah.

LATAR BELAKANG

1.      Secara umum kitab Timotius enda igolongkan ibas kitab Pastoral, sebab bentukna eme mpegegehi semangat ras kiniteken Timotius ibas ngelai i perpulungen Epesus.

2.      Ibas kata pergegeh enda Paulus ngataken man Timotius maka reh denga pagi Jesus, janah ibas kerehenNa berhubungen ras pengadilan. Kalak situtus ndalanken kai singena ate Tuhan me sindatken keselamatan, tapi si la ngelakoken singena ate Tuhan ihukum. Janah ula erpengakap maka adi nggo mate nggo dung sikerajangen. Tapi arus sikataken Tuhan e la saja Tuhan nandangi kalak singgeluh, tapi pe nandangi kalak simate. Emaka amin gia nggo mate pe, pagi iadili Tuhan ia. Erkiteken sie me maka Timotius arus mpeseh kerna Kinirajaan Tuhan (Keselamaten).

3.      Persoalan siihadapi Timotius eme pengajaran si papak. Tekanan-tekanan banci erbahanca kendor kiniteken Timotius, sebab nguda denga ia. Emaka ibas situasi siugapa pe, termasuk si la bagi ukur, Berita Simeriah arus ipeseh/pembarken. Janah salah sada bentuk pembarken Berita simeriah eme cidahkan salah kalak ras persingeti ia. La terjeng je, adi nggo cidahkan ras mpersingeti maka tugas selanjutna eme pegegehi alu pengajaren situhu-tuhu. Enda idalaken alu kesebaren. Ibas ndalanken sie, lit sada arapan gelah perpulungen Epesus nggeluh ibas keselamaten, sebab lit pertobaten.

4.      Kesempaten siibereken Dibata man Timotius guna ngelai i Epesus arus mpergunakan waktu alu mehuli, sebab sada paksa lit kari kalak si lanai nggit megiken pengajaran situhu-tuhu. Adi nggo bage maka tentuna keselamatan lanai jadi sekerajangenna. Padahal, Jesus erkeleng ate man kerina manusia. Tanda keleng ate  Tuhan e, berekenna kesempatan man kerina manusia guna jera. Enda me dahin Timotius.

5.       

APLIKASI

·         Genduari arah Tema pembarken Berita Simeriah. berhubungen ras minggu Zending. Ulu Berita simeriah eme Yesus Kristus. Ibas Berita simeriah eme Berita keselamatan, ntah pe berita pembebasan.

·         Adi ngerana kita pembarken Berita simeriah, berarti, enda kata perintah gelah kalak sitek mberitaken Berita Si Meriah eme Keselamatan ibas Jesus Kristus. Tujunna gelah manusia nggeluh ibas keselamatan. Emaka semangat minggu zending tetap berkobar man banta. Khususna kita muat bagin ibas melayani kerja sama antara runggun ras antar klasis. Emaka seh genduari kita masih membutuhken Berita Simeriah.

·         Berita simeriah la saja arah kata tapi pe perbahanen, janah enda me siilakoken gereja (nen = Persadan ras Diakonia). Tuhu kita nggo kristen, tapi adi siperdiateken melala denga siarus ibebasken ntah pe imerdekaken, eme pendidiken, kesehaten, ekonomi, mperjelas kekristenanta (Jera), rsd.

·         Ibas kita mberitaken simeriah, siarus iperdiateken eme ise objekta. Janah memang ibas kita mberitaken simeriah la mesukah, tapi labo berarti la banci, emaka ula bene ukurta, janah endeskenlah man Tuhan, sebab Tuhan ulu kepentaren. BerekenNa man banta dalan keluar ibas kita ngelai. Sipenting man banta lit kininggiten ibas ngelai beritaken Berita Si Meriah.

·         Arus siinget ibas kita pembarken Berita Simeriah, la memvocuskan ku pembangunan fisik gereja, tapi pembangunan kiniteken perpulungen. Alu bage erdewasana kiniteken ras penandaina kerna Jesus Kristus.

Pdt. Steven Kumenit Tarigan, STh.M.Min.