Cara Nggeluh Kalak Si Erkiniteken Ngalaken Sinkritisme Ras Okultisme (1 Samuel 7:2-4)

BAHAN PJJ GEREJA GBKP
TANGGAL 1 – 7 MEI 2011
==========================
1 Samuel 7 : 2-4.

Tema : Cara Nggeluh Kalak Si Erkiniteken Ngalaken Sinkritisme Ras Okultisme.

LATAR BELAKANG
1. Ibas sejarah kegeluhen bangsa Israel, khusuna kerna bangsa Filistin lanai asing man bangsa Israel, sebab rusur “ikait-kaitkan”, termasuk pe ibas perdalanen bangsa Israel ku taneh Kanaan, terpaksa bangsa Israel harus muat dalan sideban (berputar, la ngikuti dalan seharusna) guna menghindari kalak Filistin si sangana ringan i daerah e (band. Kel.13:17), seh ku bangsa Israel bengkut ku taneh Kanaan, bangsa Israel la pernah erperang ras kalak Filistin, tapi ibas masa pengkeri-kerin pemerintahan Yosua, je mulai teridah bangsa Israel erperang ras kalak Filistin (Yosua 13:12-13), janah ibas pihak si deban kalak Filistin enda ipake Dibata guna nguji bangsa Israel (Hakim-Hakim 3:1-2).
2. Konflik bangsa Israel ras bangsa Filistin enggo berlangsung sekitar sada abad, janah paksa sie bangsa Filistin enggo mempunyai sada kekuatan si cukup megegeh guna naluken bangsa Israel, sebab paksa sie bangsa Filistin enggo make senjata-senjata besi, tapi bangsa Israel lenga, janah amin gia bangsa Filistin la nterem, tapi erkiteken alat perangna cukup lengkap ras cukup disiplin, janah itambah ka Dibata “tempa erpihak” man bana, emaka bangsa Israel mbiar, dungna talu, erkiteken sie me Peti Perpadanan pernah itaban bangsa Filistin (1 Samuel 4-5).
3. Kekalahan bangsa Israel arah bangsa Filistin, situhuna la terletak man/erkiteken kurang gegehna peralatan perang bangsa Israel, tapi terletak bas kiniteken bangsa Israel. Bangsa Israel lalap nggeluh erbana-bana, nggeluh nadingken Tuhan, erkiteken sie me bangsa Israel harus ihukum Tuhan (band. 1 Samuel 4), janah amin gia Peti Perpadanan enggo ras bangsa Israel, labo berarti maka bangsa Israel enggo nggeluh bebas, lang. Bangsa Israel tetap lit ibas kebiaren erkiteken bangsa Filistin.
4. Kenca Peti Perpadanan enggo ras bangsa Israel (enggo dua puluh tahun), kepeken igejapken bangsa Israel lenga lit perubahan nggeluh, khususna bangsa Israel lalap nggeluh ibas kebiaren erkiteken bangsa Filistin, ekiteken sie “menggeluh” bangsa Israel man Tuhan. Padahal ibas kiniteken bangsa Israel, maka Peti Perpadanan enda la saja terjeng ingan nimpan sepuluh pedah Dibata, tapi lebih asangken sie, eme i je ringan Dibata. Emaka ibas bangsa Israel nderkuh mindo penampat man Tuhan, reh Samuel selaku utusen Dibata man bangsa Israel, janah nina adi atendu mulihken man Dibata alu bulat ukurndu, maka kegeluhen si erbana-bana harus iambengken janah man Tuhan saja siisembahndu, alu bage ikinili Tuhan kam ibas bangsa Filistin nari. “Seruan” jera enda ibegiken bangsa Israel, emaka iambengken kerina gana-gana baal ras Astarte, jenari ersembah ia man Tuhan.
5. Dewi Astarte eme Dewi kesuburan, asmara ras perang sedangken Baal eme sekalak dewa siberhubungen ras dewa-dewa si deban termasuk Dewi Astarte, janah enda kerina itandai bangsa Israel kenca bangsa Israel ngiani taneh Kanaan.

THEOLOGIA NASKAH
- Bangsa Israel nderkuh man Tuhan sedekah dua puluh Tuhan.
- Nina Samuel man bangsa Israel harus man Tuhan saja siisembahndu gelah ikinili Dibata kam ibas bangsa Filistin nari.
- Iambengken bangsa Israel kerina gana-ganana janah man Tuhan saja siisembahna.

APLIKASI
Ibas kegeluhen sigenduari pe, cukup nterem singgeluh ersinkritisme ras okultisme. Enda jadi erkiteken tekanen ekonomi, psikologi, kegeluhen, rsd. Emaka lit kita siatena “nggeluh” alu ndarami dalan sideban eme nggeluh ibas singkritisme ras okultisme. Mbue bentuk praktek-praktek sinkritisme ras okultisme, antara lain eme make jimat, mindo penampat man guru si baso, ertambar alu make tambar sidekah, korupsi, tek nandangi tahyul, hipnotis, rsd. Memang teridah ibas mpraktekken hal-hal si bage “mis dat nanamna”, tapi situhuna adi siperdiateken ibas kegeluhenna, kalak sibage la teneng ukurna, sebab enggo dua tuanna (Matius 6:24; Lukas 16:13).
Perlu lebe siteh pengertin singkritisme eme mencampur adukken pemahaman si lit, secara sederhana ibas pengertin agama eme mencampur adukken pemahaman agama sidekah ras Tuhan siisembah kita (ersembah man dua tuan). Sedangken pengertin okultimse eme ajaren, paham, ntah pe dokrin kerna hal-hal sibersipat rahasia, misterius ras tersembunyi, khususnya menyangkut kuasa kegelapan.
Alu pengertin enda maka situhuna cukup nterem kita terlibat ibas paham ras praktek sibage, khususna pe kita si kin nai arah orang tuanta mpraktekken si bage. Saja erkiteken kita enggo jadi kristen, kuasa kegelapen pe enggo italuken Yesus Kristus Arah Paskah, maka Yesus Kristus ngenca siharus isembah kita.
Memang sisadari cukup megegeh kal pengaruh singkritisme ras okultime ibas kegeluhenta, tapi labo berarrti la kita ngasup nalukenca. Banci nge sitaluken singkritisme ras okultisme ibas kegeluhenta adi kita tuhu-tuhu ernalem man Yesus Kristus saja selaku Tuhan ras Juruselamatta. Janah ernalem man Yesus labo terjeng tek ngenca, tapi harus sipraktekkan kegeluhen si tuhu-tuhu siernalem man baNa. Kita harus tutus ertoto, tutus ku gereja, janah ibas perbeben ras kiniseran man Tuhan saja sijadi andalenta, kita harus mindo penampat man Tuhan saja. Sebab tek kita maka la lit kuasa siapai pe si banci naluken kita adi kita ras Yesus, sebab enggo italuken Yesus kerina kuasa kegelapen (band. 1 Korinti 15:24-25). Jadi pusuh ras ukurta harus man Tuhan saja. Gelah iblis la bengket ku bas pusuh ras ukurta.

Pdt. Steven Kumenit, STh.,M.Min.