Tinepa Si Mabru ( 2 Korintus 5:16-21)

KHOTBAH TANGGAL 6 MARET 2016

GEREJA GBKP.

Invocatio         :    Tapi tedis Sakeus janah nina man Tuhan, "Setengah i bas erta-ertangku kubereken man kalak musil; janah adi lit kalak enggo kutipu, kuulihken man bana empat kali lipat." Ngaloi Jesus nina, "I bas wari enda enggo reh keselamaten man isi jabu enda. Kam pe kesusuren Abraham kap (Lukas 19:8-9).

Ogen               :    Josua 5:9-12 (Tunggal).

Khotbah          :    II Korinti 5 : 16 – 21 (Responsoria).

Tema               :    Tinepa Si Mabru

LATAR BELAKANG

1.      Sijadi bahan khotbahta eme kata ajar rasul Paulus man perpulungen Korinti kerna eksistensi dirina selaku rasul. Sebab lit piga-piga anggota perpulungen singatakenca maka pelayanan Paulus ibas rangka pujian, ntah pe muji diri. Janah enda me musuh kristus.

2.      Paulus mindo gelah perpulungen Korinti banci ngergai Paulus selaku rasul. Janah enda banci lit, adi perpulungen tuhu-tuhu nggo nggeluh ibas kegeluhen simbaru. Sebab ibas kegeluhen simbaru, manusia lanai mpertimbangken rikutken  pertimbangen manusia. Bagepe ibas palas manusia simbaru e maka Paulus pe nai ermusuhen ras Tuhan, tapi genduari nggo ersada ras Tuhan, janah erkiteken kegeluhen simbaru eme maka Dibata simereken tugas man bana guna nehken Berita Si Meriah.

3.      Tuhu Paulus marenda eme musuh  Tuhan, janah Paulus sendiri simposisikan dirina jadi musuh Tuhan, tapi erkiteken keselamatan, maka arah Kristus, i ja Paulus jumpa ras Kristus tupung perdalanenna ku Damaskus guna ngayaki kalak si tek man Yesus, tapi itangkap Kristus ia, sidungna jadi teman Tuhan guna mberitaken Berita Si Meriah, gelah kerina kalak siermusuhen ras Tuhan jadi teman Dibata.

4.      Paulus nekanken maka kegeluhen manusia simbaru erkite-kiteken Kristus. Kematen Kristus me sierbahanca manusia male imatiken, janah manusia simbaru nggeluh ibas kita. Bagepe erkiteken Kristus me maka kita nggo jadi teman Dibata. Ibas pengurbanan Kristus i kayu persilang me maka kita jadi teman Dibata. Adi la erkiteken Kristus kita ermusuhen ras Dibata, janah ndatken hukumen ibas Tuhan nari.

5.      Paulus ncidahken kerna kebadiaan Kristus. Nina Paulus Kristus la erdosa, tapi ibahan Dibata Ia gelah Kristus simersan dosa-dosa manusia, gelah kita nggeluh ibas persadan ras Kristus alu bage kita lanai ermusuhen ras Dibata.

APLIKASI

            Kegeluhen manusiasi tek man Tuhan, terjadi kegeluhen metamorfosa. Kalak singgo nggeluh ibas manusia simbaru terjadi perubahan sisignifikan ku kegeluhen simehuli enda me siterjadi man Sakeus ras Paulus. Enda kerina erkiteken Yesus. Bagi Sakeus terjadi kegeluhen persadan ras Yesus, bagepe terjadi perubahan terkensoliasi ras kalak sitipuna marenda.

            Memahami kerna ogen, Tuhan mereken keriahen man bangsa Israel arah ulih juma. Sebab ate Tuhan mengangkat status manusia si tuhu-tuhu singgeluh ibas padan ras kataNa.

            Arus siinget, kita nggo nggeluh ibas persadan ras Yesus Kristus, alu bage kita enda tinepa si mbaru. Emaka silaku manusia simbaru maka kegeluhenta arus teridah kita enda mansuia simbaru, eme ngelakoken simehuli singena ate Tuhan. Ula silakoken kegeluhen manusia si male eme dosa. Jadi ketika kita nggo jumpa ras Tuhan, nggeluh ndeher ras Tuhan maka kita pe arus nggeluh erdame ras lingkungenta (ekologi),  bagepe erdame (saling menghargai) ras temanta manusia, la lit negatife thingking man banta. Alu bage ibas kegeluhen siersada ras Kristus, kita tinepa simbaru maka kalak sideban menghargai kita erkiteken la nggit kita ermusuhen ras kalak sideban, bagepe lit kepentaren man banta guna ngelakoken simehuli, termasuk uga kita nggit mindo maaf  man temanta erkiteken kita erbahan salah man bana. Tinepa simbaru berarti pe kita nggit erdame ras musuhta.

Pdt. Steven Kumenit, STh.M.Min.