BAHAN PJJ GBKP
Johanes 17:20 – 24.
Isi : Ncidahken (Mewujud nyataken) Panggilen Gereja Ibas kontek Oikumene.
LATAR BELAKANG
1. Sijadi oratenta eme bagin sila terpisahken ibas pasal 17, janah enda merupaken pertoton Yesus man Bapa sinisurga ope denga Yesus mate. Bagepe pertoton enda banci ibagi jadi telu bagin simbelin eme 1). Ayat 1-5, pertoton Yesus guna dirina sendiri. 2). Ayat 2-19, Pertoton Yesus guna ajar-ajarNa. 3). Ayat 20-26, Pertoton Yesus guna kerina kalak sitek (gereja).
2. Ertorto Yesus man BapaNa si nisurga sebab enggo iidah Yesus, kenca kematen ras kekekenNa ku Surga, maka tantangen man kalak si tek erberatna, sebab amin gia iblis enggo italuken Yesus, tapi tetap denga iblis gawah-gawah guna ncubai ras naluken kalak si tek, gelah kalak sitek lanai ersembah man Yesus Kristus.
3. Kuasa iblis idah Yesus hanya banci italuken, adi kalak sitek nggeluh ibas persadan kekelengen. Sebab ibas persadan kekelengen nggeluh ije kuasa Kesah si Badia. Gegeh Kesah si Badia banci mereken serpang pulah ras nehken berita si Meriah nandangi doni enda. Emaka persadan kalak si tek cukup penting.
4. Ulih kematen Yesus labo saja guna bangsa Jahudi, tapi guna kerina bangsa ras guna kerina kalak si tek, bagepe guna ndilo ras mpersadaken anak-anak Dibata simerap i belang-belang doni. Janah nggeluh persadan enda, la saja terjadi secara horisontal, tapi pe secara vertikal, janah persadan enda bagi min persadan Yesus ras Bapa.
5. Ibas persadan alu palas kekelengen, sincidahken nggeluh sikeleng-kelengen, maka iidah doni, enda kerina erkiteken Tuhan simpersadakan. Enda kerina erkiteken kuasa kekeken Yesus Kristus. Alu bage doni tek maka Yesus Kristus eme persuruhen Dibata ibas doni enda. Gagasan enda icidahken Yohanes, sebab lit kelompok (gnostik) si la tek man Yesus Kristus persuruhen Dibata, ntah pe Dibata si enggo jadi manusia (band. Yohanes 1:1-18). Kelompok gnostik lebih menekankan kerna pemeteh, emaka la kap mungkin man kalak enda adi Dibata enggo jadi manusia, ntah Yesus Kristus isuruh Dibata guna nelamatken doni enda.
6. Yesus Kristus la saja notoken kerna persadan kalak si tek, tapi pe kemulian sienggo ibereken Tuhan man kalak si tek e tetap nggeluh amin gia lit perbeben ras cuban erkiteken iblis, emaka kerina kalak si tek banci nggeluh ras Yesus ibas Surga, ingan Yesus.
THEOLOGIA NASKAH
- Yesus ertoto guna kerina kalak si tek ibas doni enda.
- Persadan kalak sitek bagi min persadan Yesus ras Bapa.
- Kemulian enggo ibereken Yesus man kerina kalak sitek, emaka arah persadan enda tek min doni enda maka Yesus persuruhen Dibata. Janah banci min Kalak sitek nggeluh ras Yesus ibas ingan Yesus.
APLIKASI.
Adi kita ngerana kerna oikumene, tentuna kita ngerana kerna persadan gereja-gereja ibas doni enda. Bagepe tentuna kita ngerana enggo seh ija gereja GBKP nggeluh ibas Oikumene. Perlu siteh gereja GBKP enggo cukup mbelin peranenna ibas nggeluh eroikumene, subuk ibas lokal (daerah), Nasional (Indonesia), bagepe internasional/global.
Masalah siterjadi ibas eroikumene eme egoistis ras dogma (pengajaren), tapi situhuna enda kerina banci teratasi adi ngitlah kita ngenen kerna misi gereja ibas doni enda eme keselamaten. Alu bage gereja-gereja lanai mementingken kerna penambahan jumlah anggota, amin gia e perlu, tapi siharus iutamaken eme uga keselamaten doni enda. Erkiteken sie khususna PGI ngenen masalah pridin lanai jadi sada penghambat guna ndalanken misi gereja secara oikumene.
Panggilan gereja ibas kontek beroikumene ula terjeng konsep, tapi harus idalanken, harus irealisasiken, sebab enggo cukup dekah PGI menggumulisa. Terhitung sejak sidang Raya PGI tahun 1984 di Ambon seh ku sidang sinode raya XIV PGI I wisma Kinasih tahun 2004 maka Dokumen Keesaan Gereja (DKG) itetapken. Jadi lit 20 tahun dekahna gereja (PGI) menggumulisa. Ibas Dokumen Keesaan gereja, ije “tertuang” eme 1). Pokok-pokok Tugas Panggilan Gereja (PTPB), siisina lit 9 bab. 2). Pemahaman Bersama Iman Kristen (PBIK), siisina lit 7 bab. 3). Oikumene Gerejawi, siisina lit 3 point. 4). Tata Dasar Persukutuan Gereja-Gereja di Indonesia. Emaka genduari gereja-gereja (PGI enggo sepakat guna merealisasikenca. Erkiteken sie Dokumen keesaan gereja enda menekanken Keesaan in action (Keesaan alam aksi).
Ibas Panggilan gereja-gereja (oikumene) ije ikataken : 1). Uga membaharui, membangun ras mpersadaken gereja. 2). Bersaksi dan memberitaken Injil kepada segala mahluk. 3).Berpartisipasi dan melayani dalam era reformasi. 4). Panggilan beroikumene. 5). Gereja dan politik: Selaku gereja baik individu maupun lembaga harus terlibat aktiv dalam pembangunan. Begitu juga warga gereja yang berkecimpung di bidang politik mempunyai wawasan kristiani, jujur, dapat dipercaya dan mengutamakan kepentingan rakyat. 6). Hubungan dan kerja sama dengan semua umat beragama.
Ibas rangka gereja-gereja, termasuk GBKP banci ndalanken enda kerina, maka gereja-gereja Harus meteruk ukur, nggeluh ibas kiniersadan, janah ula terjeng konsep, tapi ndalanken kata Dibata ibas kegeluhenta tep-tep wari. Gereja harus terlibat ibas dunia politik, tapi ula bengket ibas politik praktis, tapi ibas rangka jadi sira ras terang ije. Bagepe radu ras gereja- gereja si lit harus terlibat ibas dunia sosial, apakah muat bagin ibas senina turangta singenanami musibah bencana alam, mengentasken kemiskinan ras meningkatkan ekonomi masyarakat, rsd. Emaka kerina enda harus jadi program gereja harus idalanken. Bagepe tugas panggilan enda harus isosialisasikan seh ku aras perpulungen. Sebab adi la seh ku perpulungen maka panggilan gereja ibas doni enda kurang iangkai perpulungen. Alu bage gereja jadi alat Tuhan guna nelamatken doni enda. Gereja jadi saluren pasu-pasu Tuhan ibas doni enda.
Bahasan oikumene enda isehken man banta, ibas rangka HUT PGI pe 60 tahunken, ibas tanggal 25 Mei enda.
Pdt. Steven Kumenit, STh.,M.Min.
Tidak ada komentar:
Posting Komentar