PEKAN DOA
GEREJA GBKP
WARI
III, TANGGAL 24 SEPTEMBER 2013
Introitus
: Tapi
keriahen si enggo iberekenNdu bangku, lebihen asang keriahen kalak si melala
erta-ertana (Mazmur 4:8).
Ogen
: Roma
14:17-18
Khotbah
: Galati
5:22-26.
Tema
: Kesah
Si Badia Maba Keriahen Ras Kemalemen Ate.
1.
LATAR
BELAKANG
1.Secara umum
Kitab Galati enda eme surat rasul Paulus man perpulungen Galati, janah fungsina
eme guna menasehati perpulungen, sebab paksa sie lit kelompok kristen asal
Yahudi sitetap njemak ajaran agama Yahudi. Ajaran enda ngataken keselamatan
labo bias adi terjeng tek man Yesus Kristus saja, tapi pe harus ngikuti Taurat,
khususna kerna sunat, emaka ajaran enda erbahan “kebingungan man perpulungen,
bagepe nggo lit siterikut kubas ajaran e. La saja pengajaren enda si turah ibas
perpulungen, tapi pe lit “hasutan-hasutan” gelah perpulungen ngelawan Paulus,
sebab Paulus labo rasul. Enda ibahan
Paulus sebab, perpulungen Galati, Paulus sendiri simantekisa.
2.
Ibas
pandangan Paulus kerna kalak si enggo tek man Tuhan Yesus Kristus berarti ia enggo bebas ibas kutukan Hukum
taurat. Siimaksudkan kutukan hukum taurat eme sada pandangan singataken maka
arah hukum taurat, ntah ibas patuh ndalanken hukum taurat maka manusia banci selamat. Paulus ngataken enda sebab keselamatan labo
arah ndalanken hal-hal si formalitas agama khususna kerna sunat, tapi kerna tek
man Tuhan saja. Jadi kalak si enggo bebas lanai ia terikat man hukum taurat
tapi ndalanken kai singena ate Tuhan. Janah enda me siikataken pendahin Kesah
Si Badia.
3.
Paulus
mereken penjelasan kerna makna kalak si enggo tek man Yesus Kristus, ija kalak
si enggo tek man Yesus Kristus berarti “kerincuhen daging” lanai erkuasa bas diri kalak si enggo tek man
Yesus, sebab sipat-sipat kedagingan enggo ibunuh i kayu persilang, tapi si lit
eme ulih Kesah Si Badia. Ulih Kesah Si Badia lit erkiteken batang si mejile,
janah batang e eme Yesus Kristus (band. Yohanes 15).
4.
Paulus
makekan kata buah (band. Bahasa Karo = ulih) gelah mpertegas kerna makna buah,
ija buah e la pernah iban, tapi jadi alu sendirina. Sehubungen ras si enda, ate
Paulus ngataken man perpulungen Galati eme kerna makna ulih Kesah Si Badia.
Ulih Kesah Si Badia lit adi kalak si tek nggeluh ibas persadan ras Yesus.
5.
Nasehat
Paulus man perpulungen i Galati enda khususna kerna ulih Kesah si Badia eme
gelah pepulungen nggeluh ibas ulu kegeluhen eme Kesah Si Badia. Jadi, kegeluhen
situhu-tuhu merupaken penekanan Paulus. Perpulungen Galati enggo nggeluh
erpalasken Kesah Si Badia emaka ula min bene keselamaten e erkiteken kerincuhan daging. Sebab adi bas perpulungen
lit simeganjang ukur, la lit kekelengen, la lit kesabaren, erbahan si la mehuli
ras la terkuasaina dirina, rsd berarti ngelawan Kesah Si Badia, emaka ije lanai
lit keriahen ras kemalemen ate. Jadi alu litna ulih Kesah Si Badia ibas diri
anggota perpulungen maka siterjadi i tengah-tengah perpulungen eme hubungen si
harmonis, bagepe perpulungen ndalanken kai siisura-suraken Kesah Si Badia, alu
bage maka la sia-sia kematen Yesus Kristus i kayu persilang.
APLIKASI
Adi siperdiateken kerna kegeluhenta
selaku tinepa Dibata eme nggeluh ibas keriahen ras kemalemen ate, sebab Dibata
singepkep ras simereken kecukupen. Tapi erkiteken dosa maka keriahen ras
kemalemen ate mesera kal idatken ibas doni enda. Memang melala bentuk-bentuk
tawaran doni enda sibanci mereken keriahen ras kemalemen ate man banta, tapi
kerina e sesaat ngenca. Tuhan ngenca
singasup mereken keriahen ras kemalemen ate situhu-tuhu. Guna sie me Kesah
SiBadia erdahin bas kita gelah kita tetap ngasup ndalanken kai singena ate
Tuhan amin gia jumpa kita perbeben ras kiniseran, sebab man banta keriahen ras
kemalemen ate situhu-tuhu e adi nggeluh ibas persadan Tuhan dengen ndalanken kai singena ate Tuhan.
Kesah Si Badia si lit bas dirinta
ngasup mereken pengangkan sipayo kerna keriahen ras kemalemen situhu-tuhu.
Emaka erkiteken nggeluh bas kita Kesah Si Badia, nggeluh ka bas kita kerna
penguasaan diri, kekelengen ras ndalanken kai singena ate Tuhan saja. Emaka
ngena ate Tuhan ras iergaken kalak sideban me kita. Sebab ibas persadanta ras
Kesah Si Badia lanai kita ngukuri kerna siermasap-masap, tapi siiukuri kita eme
kai singena ate Tuhan, janah e kerina iajari ras iarak-arak Kesah Si Badia me
kita.
Pdt. Steven Kumenit,
STh.M.Min.
Tidak ada komentar:
Posting Komentar