Pekan Penatalayanen GBKP (hari 5) - Solidaritas Ibas Runggun, KLasis Ras Moderamen (Nehemia 5:14-19)

PEKAN PENATALAYANEN GBKP
WARI V, KAMIS 26 JANUARI 2012
=============================
Introitus : Labo terjeng si iarapken kami e saja! Si pentingna e me iendeskenna dirina man Tuhan. Jenari, alu peraten Dibata, iendeskenna pe dirina man kami (2 Korinti 8:5).
Ogen : 2 Korinti 8:1-6.
Khotbah : Nehemia 5:14-19.
Tema : Solidaritas Ibas Runggun, Klasis Ras Moderamen.

LATAR BELAKANG
1. Tugas Nehemia selaku Gubernur Yuda eme pekena-kena tembok Yerusalem, isamping sie mensejahterahkan masyarakat. Sebab sangana Nehemia jadi juru minem raja, enggo ibegina kerna keadaan masyarakat Yehuda si nggeluh ibas kiniseran, erkiteken sie me ipindona man raja gelah ia banci mulih ku kuta ingan nini-ninina ikuburken gelah banci ia majekken kuta Yerusalem mulihi.
2. Sangana Nehemia ertugas selaku gubernur, ibegina masyarakat Yehuda nggeluh ibas perbeben ras kiniseran. Bagepe lit penindasen siilakoken pejabat-pejabat. Erkiteken sie me idilona pejabat-pejabat janah isuruhna ngulihken juma masyarakat sienggo lit ibas tan pejabat ras pe lanai mindo utang masyarakat. Pemindon Nehemia iueken pejabat-pejabat. Janah guna mengantisipasi pajabat-pejabat si la nepati janji, maka idilo Nehemia imam-imam gelah pejabat-pejabat banci ersumpah i lebe-lebe imam-imam (band. Nehemia 5: 1-13).
3. Guna mpertegas kerna dahin selaku gubernur eme mensejahterakan rakyat, Nehemia nuriken kerna kai sisedekah enda ilakokenna, khususna kerna hak siseharusna ialokenna selaku gubernur. Nehemia ibas sepuluh tahun menjabat gubernur, hakna selaku gubernur la ialokenna, padahal gubernur-gubernur ope ia ibuatna hakna, bagepe itindasna rakyat, emaka gubernur e jadi baban si mberat man masyarakat. Selaku gubernur memang lit hakna, guna sie ibas mbiayai kebutuhen gubernur rusur rakyat ibebani pajak. Bagepe adi lit temuena tetap ialo-alona alu mehuli.
4. Perbahanen siilakoken Nehemia e, ilakokenna erkite-kiteken Nehemia mbiar man Tuhan, ras mekuah atena man rakyat.
5. Nehemia ertoto man Tuhan gelah Tuhan nginget kai sienggo ibahanna, alu bage tambah kesangapenna. Jadi i jenda nehemia tuhu-tuhu tergantung man Tuhan saja. Kesangapen nggeluh bagi Nehemia lit bas tan Tuhan. Emaka adi ipasu-pasu Tuhan ia, tentuna Nehemia ngaloken kesangapen.

APLIKASI
Gereja GBKP eme salah sada rumah nandangi kalak si tek man Yesus Kristus, emaka amin anggota perpulungen tading ibas ingan si erbeda-beda, ntah pe berbeda klasis bagepe runggun, tetap nge kita sada kula, janah sada takal ibas kula e eme Yesus Kristus. Jadi amin gia lit klasis ras runggun siberbeda, labo berarti kita berbeda, ras lanai saling mperdiateken sada ras sidebanna. Erkiteken sie me, gereja GBKP menganut paham sinodal eme erdalan-ras-ras. Bagepe simegegeh nampati sikurang megegeh. Tujunna gelah kerina perpulungen banci seh ku tujun alu ras-ras. Tapi lit dengan nge runggun ras klasis silebih mementingken runggun ras klasisna, padahal ibas gereja GBKP lit denga perpulungen si harus isampati pelayanenna secara finansial. Bagepe lit denga anggota perpulungen sikurang mediate kerna sie. Guna sie siniharapken man kerina perpulungen i belang-belang GBKP harus min nggeluh ber-solidaritas. Sebab ibas kegeluhen sibagenda me maka kita lanai mbeda-mbedaken sada ras sidebanna, tapi ibas palas ukur siersuruh kita ngasup nampati temanta si sada kiniteken simbutuhken penampat pelayanenta, termasuk pe soal finansial.
Memang ibas program pelayanen subuk ibas klasis bagepe ibas runggun, enggo lit kerja sama pelayanen antar runggun, subuk i kalangan klasis sendiri, bagepe i luar klasis. Tapi siidah anggota perpulungen simuat bagin ibas pelayanen enda kurang denga. Bagepe ibas soal finansial, lit denga nge runggun si la jujur ibas penyetoranna. Bagepe lit denga anggota perpulungen si kurang termotivasi mereken penampatna adi lit pemindon sumbangen ibas runggun sideban nari. Padahal, adi sinen perpulungen si lit ibas Makedoni, perpulungen enda ngasup nampati perpulungen si lit i Yudea (Yeruslem) sisangana nggeluh ibas kiniseran melebihi asa ngasupna. Perpulungen i Makedoni tergolong perpulungen sibiasa-biasa saja. Perpulungen enda berbeda ras perpulungen i Korinti (perpulungen bayak), tapi perpulungen Makedoni ngasup mere melebihi asa ngasupna erkiteken dua palas, eme : 1). Kata Dibata tuhu-tuhu nggeluh bas ia. 2). Perpulungen Makedoni ngenen ras ngejapken perpulungen i Yudea eme sada kula. Seharusna kita harus bage ka. Jadi ula min kita selaku gereja, nggeluh alu mementingken diri sendiri. Janah khusus man runggun ras klasis sehkenlah kai sijadi sekerajangen gereja GBKP (secara sinodal), janah Moderamen harus mengalokasiken sue ras program pelayanen ras kebutuhen si lit. Jadi kita kerina harus nadingken kegeluhen si egois ras marilah kita nggeluh ibas kebersamaan selaku gereja GBKP.

Pdt. Steven Kumenit, STh,M.Min.