Pekan Penatalayanen (hari 6) - Solidaritas Ibas Adat/Budaya Karo (Markus 7:1-9)

PEKAN PENATALAYANEN GBKP
WARI VI, JUMAT 27 JANUARI 2012
=================================
Introitus : Erjabap Jesus nina, "Payo me tuhu bagi nubuat Nabi Jesaya kerna kam, o kalak pekulah-kulah, bagi enggo tersurat, 'Nina Dibata: bangsa enda muji Aku alu biberna, tapi ukurna ndauh sirang ibas Aku nari (Markus 7:6)
Ogen : Johanes 2:1-10.
Khotbah : Markus 7:1-9.
Tema : Solidaritas Ibas Adat/Budaya Karo

LATAR BELAKANG
1. Perbahanen Yesus siicidahkenNa ibas doni enda gelah manusia terkelin arah mujizat-mujizat eme pepalem kalak sakit, pelawes setan-setan ras mere man lima ribu kalak, kepeken erbahanca la meriah ukur kalak Farisi, emaka nembeh atena man Yesus. Erkiteken sie me ibas kerina kesempaten idaramina kesalahan Yesus, gelah adi enggo datna, enda me dalanna/palasna Yesus ihukum, janah kesalahan Yesus ihubungkenna ras hukum taurat. Kalak Farisi enda, nembeh atena man Yesus erkite-kiteken masalahna salah sadana eme soal popularitas, iidah kalak Farisi enda, enggo nterem pengikut Yesus Kristus.
2. Persoalen siterjadi ibas bahan khotbahnta eme persoalen kebiasaan ibas adat kalak Jahudi siidalankenna tep-tep wari, khususna soal erburih. Kebiasaan kalak Jahudi, janah enda enggo jadi adat kalak Jahudi eme adi man harus erburih lebe. Sebab lit sada pengangkan ibas kalak Jahudi kai siipan ras sibengket ku bas kula manusia harus bersih, bagepe tan harus iburihi lebe maka man. Bagepe lit ka aturen-aturen sideban siikutina, umpamana cara murihi calung, kudin, perkakas-perkakas tembaga ras ingan medem. Enda kerina kebiasan ibas nini-ninina ndube si genduari idalanken kalak Jahudi. Kalak Jahudi ndalanken enda erkiteken itafsirkenna kai siikataken ibas Imamat 11:44; 19:2. Ibas dua ayat enda itekanken kerna kebadiaan. Tapi kalak Jahudi menafsirken secara lahiriah saja, eme nggeluh ibas kebadiaan maka kalak e harus terus menerus membasuh dirina. Enda me siitekankenna man Yesus paksa idahna (kalak Jahudi) ajar-ajar Yesus la erburih ope man. Kalak Jahudi sengaja reh jumpai Yesus paksa jam man, sebab ibas pengangkanna pasti Yesus la murihi tanNa ope man. Palas pengangkan kalak Jahudi terjadi erkiteken idahna tupung Yesus mere man lima ribu kalak, deba la bo burihina tanna lebe maka ia man. Tapi ibas “pengintaianna” ajar-ajar Yesus ngenca siidahna bagepe, tapi Yesus lang. Emaka banci ka sikataken Yesus tetap ngikuti aturen kebiasaan kalak Jahudi, tapi labo merupaken kebiasaan e sijadi palas Yesus. Erkiteken sie nina kalak Farisi, engkai ajar-ajarNdu man salu tan simelket. Megi sienda iteh Yesus sura-sura kalak Farisi enda. Erkiteken sie me Yesus njawab alu make kai siikataken nabi Yesaya, khususna Yesaya 29:13. Penekanenna eme kalak Farisi nggeluh ibas kesalehan sipalsu. Sebab kalak Farisi mperdiateken kerna kebadiaan jasmani saja, tapi la njaga kebadiaan situhu-tuhu, ras pe keselamaten.
3. Kalak Farisi menekanken enda, sebab selaku rabi/guru seharusna njaga ras tetap ndalanken kebiasaan kalak Jahudi ras hukum taurat. Janah ipihak sideban ibas ndalanken enda kerina merupaken bagin ibas keselamaten.
4. Alu jababan Yesus enda, maka Yesus alu terang-terangen ngataken kerna kesalahan kalak Farisi, sebab kalak Farisi labo saja salah ngangkai kerna kebadiaan, tapi pe menolak kerna keselamaten. Ibas kalak Jahudi lit peraturan-peraturan siikutina tep-tep wari, tapi enda kerina guna keperlun jasmani ngenca,emaka ukurna ndauh sirang ras Tuhan, biberna ngenca muji Tuhan.
5. Maksud Yesus menekanken enda tujunna ngataken kerna kesalahan si enggo bertahun-tahun idalanken kalak Jahudi. Bagepe gelah kalak Jahudi meteh hal siprinsipil ibas keselamaten labo ndalanken kerna hal-hal silahiriah saja, tapi uga ketulusen pusuh ras ukur sibersih ibas muji Tuhan ras tek man Yesus Kristus selaku Mesias.

APLIKASI
Memang harus sipahami tep-tep manusia siterus ersada ras budayana, janah budaya/adat e pe enggo ersada ras manusia e, janah adi sinen terdauhen, budaya ntah pe adat enggo jadi identitas manusia e. Kita banci meteh asalta banci arah budaya ras adat siidalanken kita. Tapi amin bage gia adi kita ngerana kerna injil ras budaya maka mekatep terjadi rusur benturan-benturan, sebab lit pengangkan ibas dua kelompok, eme kelompok simenerima ras kelompok si la menerima budaya ipersada ras injil. Erkiteken sie me injil ras budaya merupaken sada persoalen si cukup “rumit/pelik” ibas dunia misiologi (pekabaren injil).
H.Richard Miebuhr, teolog Amerika Serikat ngataken paling kurang lit 5 sikap siturah ibas interaksi injil ras budaya : 1). Injil bertentangen ras budaya. Ibas hal enda budaya harus iambengken ras igantiken ras injil. 2). Injil eme sada me si sesuai ras budaya setempat. Ngataken injil isambut baik oleh masyarakat, janah injil ibutuhken guna menyempurnaken budaya-budaya si lenga sempurna. 3). Injil inen sebage sesuatu yang mengatasi budaya setempat. Injil lebih unggul dari budaya setempat. Injil pengganti nilai ibas masyarakat setempat. 4). Injil inen sejajar ras budaya. Masing-masing memiliki wewenang yang mantap. 5). Injil eme susuatu yang mengubah kebudayaan. Kebudayaan suku yang menerima injil harus diubah dengan kuasa Injil Kristus. Kebudayaan harus memuliaken Allah. Ijenda budaya inen sada hal sibertentangen ras injil.
Kerina enda merupaken fakta siterjadi ibas pelayanen ntah pe perjumpaan Injil ras budaya. Tapi guna ngenen kerina enda, tentuna kita harus ngenen maka budaya eme ciptaan manusia, janah la e jaminen keselamaten. Injil Kristus me merupaken keselamaten e. Tapi labo berarti ka budaya/adat si lit i tengah-tengahta harus imasapken. Kita harus ngenen budaya ras adat eme sada sarana guna berinteraksi ras sapih-sapihta manusia ras berinteraksi ras alam. Janah harus siinget labo kerina budaya siidalanken kita merupaken hal yang jelek ras bertentangen ras kiniteken. Tapi adi lit budaya sibertentangen ras nilai-nilai kekristenan, enggo seharusna iganti alu nilai-nilai kristiani. Bagepe ibas nilai adat. Perlu siteh lebe adat lebih menekanken ku bas peraturan ras hukum, emaka adi la sidalanken berarti kita enggo melanggar hukum ras nilai masyarakat setempat. Guna sie me peranan injil harus teridah. Injil harus memproteksi adat-adat sibertentangan ras nilai-nilai kristiani.

Pdt. Steven Kumenit, STh.,M.Min.