Jabu Si Metunggung i Adep-Adepen Dibata (Kejadin 6:17-7:5)

PEKAN KEBAKTIN KELUARGA
GEREJA GBKP
WARI VII, SABTU 11 JUNI 2011
Introitus : Ngaloi rasul-rasul nina, "Teklah man Tuhan Jesus gelah kam terkelin, e me kam ras isi jabundu." (Perbahanen Rasul-rasul 16:31)
Ogen : Galati 3:6-9.
Khotbah : Kejadin 6:17-7:5.
Tema : Jabu Si Metunggung Iadep-Adepen Dibata

LATAR BELAKANG
1. Secara umum turi-turin enda nuriken kerna Nuah ras penghukuman Tuhan man manusia arah banjir si mbelin. Palas Dibata nghukum manusia erkiteken erjahatna manusia ibas doni enda, Nuah ngenca singena ate Tuhan erkiteken ibahanna kai singena ate Tuhan.
2. Ibas oratenta (bahan khobah) lit piga-piga hal siidah ijenda eme litna sura-sura Dibata ngukum manusia bekas tinepaNa (ayat 17), lit empat perintah Dibata man Nuah guna idalanken nuah eme 1). Namakan ku kapal sada pasang tep-tep rubia ras erbage-bage perik, 2). Namakan erbage-bage pangan ku bas kapal. 3). Isuruh Tuhan Nuah ras keluargana bengket ku bas kapal. 4). Muat pitu pasang tep-tep erbage rubia ras perik. lit respon ibas Nuah nari guna matuhi kai siiperintahken Dibata man bana. Lit dua hal siibetehken Dibata man nuah kerna piga ndekah nusurna udan ras piga dekah banjir si mbelin e.
3. Nuah ras keluargana iselamatken Tuhan, bagepe sada pasang tep-tep rubia ras perik gelah kenca “surut” banjir si mbelin, lit kelangsungen geluh manusia arah kesusuren Nuah, bagepe lit kelangsungen geluh rubia-rubia ras perik.
4. Ibas turi-turin enda, situhuna lit sada makna siate Tuhan icidahken penulis enda eme dosa erbahanca manusia ihukum Tuhan, tapi kalak singelakoken kai singena atena dat kegeluhen. Bagepe ijenda icidahken maka manusia e tinepa Tuhan siharus ngikuti kai siikataken Tuhan, erkiteken Tuhan e Tuhan sierkuasa.
5. Ipihak sideban ope denga Dibata ndabuhken hukumen guna ngkernepken kerina manusia, kecuali Nuah, Tuhan erbahan sada perpadanan ras Nuah, eme Nuah akan iselamatken ibas banjir si mbelin nari, tapi Nuah harus ngikuti kai siiperintahken Dibata man bana.

THEOLOGIA NASKAH
- Dibata erbahan sada perpadanan ras Nuah.
- Dibata merentahken Nuah ras keluargana kerina bengket kubas kapal, ras sada pasang tep-tep rubia ras perik.
- Pitu wari dekahna ipesusur Tuhan udan ras empat puluh wari empat puluh berngi dekahna banjir si mbelin.

APLIKASI
Kegeluhen keluarga selaku gereja si kitik, tentuna harus badia i lebe-lebe Dibata. Kegeluhen keluarga la banci nggeluh rate-ate, tapi harus ndalanken kai singena ate Tuhan i tengah-tengah keluarga bagepe kegeluhen keluarga i tengah-tengah gereja ras masyarakat. Memang, mekatep keluargana ndatken sada ujin guna nggeluh selaku anak-anak Dibata, selaku keluarga sierkiniteken man Yesus Kristus arah kegeluhen doni enda eme kinilaharmonisan jabu/perceraian, ekonomi, perbeben ras kiniseran, kerina enda banci mpereh hukuman Tuhan subuk langsung bagepe la langsung, subuk hukuman sigenduari bagepe penghukuman paksa eskatologia (hukuman akhir zaman). Tentuna kita selaku keluarga la ateta nggit nggeluh ibas keberdosaan ras nggeluh ibas penghukuman Tuhan. Adi bagenda sura-suranta, jadi penungkunen, kai nge siharus ibahan ibas kegeluhenta selaku keluarga kristen ? kegeluhen keluarga kristen eme harus metunggung i lebe-lebe Dibata. Jabu simetunggung i lebe-lebe Dibata eme jabu sindalanken kai singena ate Tuhan. Jabu situhu-tuhu mengandalkan ras erpengarapen man Tuhan saja. Perayaken jabu eme uga gelah kegeluhen keluarga eme nggeluh ibas persadan ras Tuhan, emaka kai si lit bas kita (keluarga), subuk ekonomi, karier enda jadi alat guna mpermuliaken Tuhan. Bagepe ibas pihak sideban sijadiken keluarganta eme kula ni Kristus, emaka kegeluhen keluarga eme nggeluh ibas keterbukaan, bagepe kegeluhen keluarga eme jadi misi nandangi keluarga si deban, emaka adat banci sipake bersosialisasi ras keluarganta (kade-kede/sangkep geluhta), ras mereken warna kristiani ntah pe mereken terang Kristus, gelah kalak sideban pe banci nggeluh ibas keselamatan.

Pdt. Steven Kumenit, STh.,M.Min.